The Phnom Penh Post Search

Search form




Logo of Phnom Penh Post newspaper Phnom Penh Post - យុវជន​ម្នាក់​ចាប់​ក្មួយស្រី​ខ្លួនឯង​បោក​នឹង​គល់ឈើ​ស្លាប់

យុវជន​ម្នាក់​ចាប់​ក្មួយស្រី​ខ្លួនឯង​បោក​នឹង​គល់ឈើ​ស្លាប់

Content image - Phnom Penh Post
យុវជន​ម្នាក់​ ដែលចាប់​ក្មួយស្រី​ខ្លួនឯង​បោក​នឹង​គល់ឈើ​ស្លាប់ កាលពីថ្ងៃទី ២២ ខែកញ្ញា។ រូបថត សហការី

យុវជន​ម្នាក់​ចាប់​ក្មួយស្រី​ខ្លួនឯង​បោក​នឹង​គល់ឈើ​ស្លាប់

កំពង់ស្ពឺៈ យុវជន​ម្នាក់​ដែល​ធ្លាប់​ប្រើ​គ្រឿង​ញៀន​បាន​ចាប់​ក្មួយស្រី​បង្កើត​របស់​ខ្លួន​បោក​នឹង​គល់ឈើ​ស្លាប់​ភ្លាមៗ​នៅក្បែរ​ក្រោល​គោ​ក្នុង​បរិវេណ​ផ្ទះ​របស់​ខ្លួន​​ នា​ព្រឹក​ថ្ងៃទី ២២ ​កញ្ញា ​ឆ្នាំ​ ២០២២ ​ស្ថិតក្នុង​ភូមិ​ក្រវៀក​ ឃុំ​យាអង្គ ​ស្រុកថ្ពង​ ខេត្ត​កំពង់ស្ពឺ។

លោក​ ហ៊ុន សុខហុន ​អធិការ​នគរបាល​ស្រុក​ថ្ពង ​ប្រាប់​នៅ​ថ្ងៃ​ទី២២ ​កញ្ញា ​ថា ​ជនសង្ស័យ​ឈ្មោះ​​ ​ម៉េត ​តូម៉ា​ ភេទ​ប្រុស ​អាយុ​ ២៤ ឆ្នាំ​ រីឯ​ក្មេងស្រី​រងគ្រោះ ​ឈ្មោះ ​ឈ.ផ.ន ​អាយុ​ ១៨ ខែ។ លោក​ថ្លែងថា​៖ «​ជនសង្ស័យ​ត្រូវ​​កម្លាំង​សមត្ថកិច្ច​ឃុំ​យាអង្គ​ឃាត់ខ្លួន​បាន​ភ្លាមៗ​។ យើង​បាន​ពិនិត្យ​ទឹកនោម​របស់​ជនសង្ស័យ​ដើម្បី​រកមើល​សារធាតុ​ញៀន​ ក្រោយ​ឃាត់ខ្លួន​ តែ​ប្រដាប់​តេស្ត​រហ័ស​បញ្ជាក់​ថា ​គ្មាន​សារធាតុ​ញៀន​ទេ។ តែយ៉ាងណា​ចាំ​គ្រូពេទ្យ​​ គាត់​ពិនិត្យ​ទៀត​ នេះ​គ្រាន់តែ​ការ​ធ្វើតេស្ត​បឋម​ទេ» ។

លោក​ឱ្យ​ដឹង​ថា ​ជនសង្ស័យ​ឈ្មោះ​ ម៉េត​ តូម៉ា ​​ធ្លាប់​ជា​មនុស្ស​ញៀន​គ្រឿងញៀន​ ហើយ​ត្រូវបាន​ម្តាយ​ឪពុក​នាំយក​ទៅ​មណ្ឌល​បន្សាប​គ្រឿងញៀន​ក្រាំងធ្នង់​ រយៈពេល​ ៦ ខែ​ ឪពុកម្តាយ​ក៏​សុំ​​យក​កូន​ចេញ​ ព្រោះ​យល់ថា ​រយៈពេល​ ៦ ខែ​ កូន​របស់​ពួកគាត់​មាន​អាការ​ធម្មតា​វិញ​។ ​ក្រោយពី​យក​ជនសង្ស័យ​មក​រស់នៅ​ផ្ទះ ​ទើបតែ​បាន​ ២ ​ទៅ​ ៣ ខែ​ ក៏​ស្រាប់​តែមាន​ហេតុការណ៍​បែបនេះ​ទៅ។

លោក​ថា​ បើតាម​ដឹង​ ​អង្គភាព​ការពារ​កុមារ​ (CPU) ​នៃ​ប្រទេស​អូស្ត្រាលី ​នឹង​ចុះ​មក​ផងដែរ​ ដើម្បី​ធ្វើការ​ស៊ើបអង្កេត​បន្ត​ទៀត​ពាក់ព័ន្ធ​នឹង​ការសម្លាប់​ក្មេង​នេះ។

មន្ត្រី​នគរបាល​ ១ រូប​នៃ​ឃុំ​យាអង្គ ​ស្នើសុំ​មិនឱ្យ​បញ្ចេញ​ឈ្មោះ ​បាន​ប្រាប់​តាម​សម្តី​សាច់ញាតិ​ក្មេង​រងគ្រោះ​ថា​ មុន​កើត​ហេតុ​ ក្មេងស្រី​រងគ្រោះ​បាន​លេង​ជាមួយ​ជីតា ​និង​យាយ​ ក្នុង​បរិវេណ​ផ្ទះ។ ឯ​ជនសង្ស័យ​បាន​យក​ចបជីក​ទៅ​ជីក​រណ្តៅ​ក្រោយ​ផ្ទះ​ក្បែរ​ក្រោល​គោ។ បន្ទាប់ពី​ជីក​រណ្តៅ​រួច បាន​មក​​យក​ក្មេង​រងគ្រោះ​ទៅ​កប់​ក្នុង​រណ្តៅ ​តែ​​ជីតា​របស់​ក្មេង​រងគ្រោះ​ឃើញ​ក៏​រត់​​ទៅ​ដណ្តើម​ក្មេង​ពី​ជន​សង្ស័យ​វិញ។

មន្ត្រី​បន្ត​ថា​ ខណៈ​ជីតា​កំពុង​ដើរ​ព ​ក្មេង​រងគ្រោះ ជនសង្ស័យ​​ស្ទុះ​មក​ដណ្តើម​ក្មេង​រងគ្រោះ​​រត់​យក​ទៅ​បោក​នឹង​គល់ឈើ​​​ស្លាប់​តែម្តង៕

អត្ថបទគួរចាប់អារម្មណ៍