ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ ១៩ ប្រភេទអូមីក្រុងបន្ថែមទៀតចំនួន ៩ នាក់ និងមានអ្នកជាសះស្បើយចំនួន ១៥ នាក់ ប៉ុន្តែមិនមានករណីស្លាប់ឡើយ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ ១៩ សម្រាប់ថ្ងៃទី ២៨ ខែកញ្ញា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ៩ នាក់ ដែលក្នុងនោះមានអ្នកឆ្លង ៥ នាក់ ជាករណីស្នើសុំវិញ្ញាបនបត្រចេញទៅក្រៅប្រទេស។
គិតត្រឹមព្រឹកថ្ងៃទី ២៩ ខែកញ្ញា ឆ្នាំ ២០២២ កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៧ ៨៧០ នាក់ អ្នកជាសះស្បើយសរុបចំនួន ១៣៤ ៧៤៥ នាក់ និងអ្នកស្លាប់ចំនួន ៣ ០៥៦ នាក់៕