The Phnom Penh Post Search

Search form




Logo of Phnom Penh Post newspaper Phnom Penh Post - តំបន់​ទេសចរណ៍​ដាច់ស្រយាល​នៅ​ខេត្ត​កែប​ កំពុងស្ថិត​ក្នុងការ​ពិនិត្យ​សិក្សា​ ដើម្បី​កំណត់​ទីតាំង​ដំឡើង​អង់តែន​ទូរសព្ទ

តំបន់​ទេសចរណ៍​ដាច់ស្រយាល​នៅ​ខេត្ត​កែប​ កំពុងស្ថិត​ក្នុងការ​ពិនិត្យ​សិក្សា​ ដើម្បី​កំណត់​ទីតាំង​ដំឡើង​អង់តែន​ទូរសព្ទ

Content image - Phnom Penh Post
រូបថត ក្រសួង​ប្រៃសណីយ៍

តំបន់​ទេសចរណ៍​ដាច់ស្រយាល​នៅ​ខេត្ត​កែប​ កំពុងស្ថិត​ក្នុងការ​ពិនិត្យ​សិក្សា​ ដើម្បី​កំណត់​ទីតាំង​ដំឡើង​អង់តែន​ទូរសព្ទ

កែបៈ មន្ត្រី​ក្រសួង​ប្រៃសណីយ៍ និង​ទូរគមនាគមន៍​ និង​អ្នក ពាក់ព័ន្ធ​បាន​ចុះទៅពិនិត្យ​ទីតាំង​ចំនួន ៣ នៅក្នុង​ខេត្ត​កែប​រួមមាន​តំបន់​សហគមន៍​ទេសចរណ៍​កោះទន្សោយ ឧទ្យាន​ជាតិ​កែប និង តំបន់​អេកូទេសចរណ៍​ភ្នំ​វល្លិ៍ និង​គោលដៅ​ទេសចរណ៍​អាទិភាព​ផ្សេងទៀត​ ដើម្បី​សិក្សា​ស្វែងយល់​ និង​កំណត់​ទីតាំង​ សម្រាប់​ដំឡើង​អង់តែន​ទូរសព្ទ​នៅ​ទីតាំង​ចំនួន ៣​។ នេះ​បើតាម​ក្រសួង​ប្រៃសណីយ៍ និង​ទូរគមនាគមន៍​។

ក្រសួង​នេះ​បានឱ្យដឹង​នៅ​ថ្ងៃទី ៣០ ខែកញ្ញា​ថា លោក ជា មានិត រដ្ឋលេខាធិការ និង ឯកឧត្តម លីវ សុផាណារិទ្ធិ អនុរដ្ឋលេខាធិការ​នៃ​ក្រសួង​ប្រៃសណីយ៍​ និង​ទូរគមនាគមន៍ នៅ​ថ្ងៃទី​ ២៨-២៩ ខែកញ្ញា ឆ្នាំ​ ២០២២ បាន​ដឹកនាំ​សម្របសម្រួល​ក្រុម​ការងារ​អន្តរក្រសួង​ជាមួយ​នឹង​ប្រតិបត្តិករ​ផ្តល់​សេវា​ទូរសព្ទ​ចល័ត ប្រតិបត្តិករ​ផ្តល់​សេវា​បង្គោល​អង់តែន និង​ប្រតិបត្តិករ​ផ្តល់​សេវា​ហេដ្ឋារចនាសម្ព័ន្ធ​បណ្តាញ​ខ្សែកាប​ទូរគមនាគមន៍ ចុះ​សិក្សា និង​កំណត់​ទីតាំង​សាងសង់​ស្ថានីយ​អង់តែន នៅតាម​គោលដៅ​ទេសចរណ៍​អាទិភាព និង​តំបន់​ទេសចរណ៍​នៃ​តំបន់​ទាំង​ ៣ ​នេះ​។

ការចុះ​ទៅនេះ​គឺ​អនុវត្ត​តាម​អនុសាសន៍​របស់​លោក​នាយក​រដ្ឋមន្ត្រី ហ៊ុន សែន និង​ស្របតាម​យន្ដការ​របស់​លោក ជា វ៉ាន់ដេត រដ្ឋមន្ត្រី​ក្រសួង​ប្រៃសណីយ៍​ និង​ទូរគមនាគមន៍ ដែល​បាន​បង្កើត​ក្រុម​ការងារ​លើកកម្ពស់​គុណភាព​សេវា​ទាំង​ ៥ ​តំបន់​កាលពី​ខែឧសភា ឆ្នាំ​ ២០២១ កន្លងមក​៕

អត្ថបទគួរចាប់អារម្មណ៍