ភ្នំពេញៈ លោក អ៊ឹង អៀង រដ្ឋលេខាធិការក្រសួងរ៉ែ និងថាមពល បានដឹកនាំគណៈប្រតិភូកម្ពុជា ទៅចូលរួមក្នុងសម័យប្រជុំលើកទី៦៦ នៃសន្និសីទអន្តរជាតិរបស់ទីភ្នាក់ងារថាមពលបរមាណូអន្តរជាតិ (The 66th IAEA General Conference) ដែលប្រព្រឹត្តទៅចាប់ពីថ្ងៃទី ២៦ ដល់ទី ៣០ ខែកញ្ញា ឆ្នាំ ២០២២ នៅទីក្រុងវីយែន សាធារណរដ្ឋអូទ្រីស។
ក្រសួងរ៉ែ និងថាមពល បានឱ្យដឹងតាមរយៈហ្វេសប៊ុកនៅថ្ងៃទី ៣០ ខែកញ្ញាថា សន្និសីទអន្តរជាតិនេះត្រូវបានរៀបចំជារៀងរាល់ឆ្នាំ ដើម្បីផ្តល់ជាវេទិកាពិភាក្សាដល់មន្រ្តីជាន់ខ្ពស់ ដែលជាតំណាងពីបណ្តាប្រទេសសមាជិក និងមិនមែនសមាជិក ព្រមទាំងអង្គការតំបន់ និងអន្តរជាតិនានា ពាក់ព័ន្ធនឹងការងារថាមពលបរមាណូ សុវត្ថិភាព សន្តិសុខ និងការការពារសុវត្ថិភាពនុយក្លេអ៊ែរ៕