ភ្នំពេញៈ រដ្ឋសភាកម្ពុជានៅព្រឹកថ្ងៃទី ៧ តុលានេះ បានបើកកិច្ចប្រជុំជាមួយក្រុមការងារគ្រប់ផ្នែក ក្នុងការត្រៀមលក្ខណៈរៀបចំមហាសន្និបាតអន្តរសភាអាស៊ាន (AIPA) លើកទី៤៣ ដែលសភានៃព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំមហាសន្និបាតនេះ នៅខែវិច្ឆិកា ឆ្នាំ ២០២២ ខាងមុខ។
បើយោងតាមហ្វេសប៊ុករដ្ឋសភា កិច្ចប្រជុំនេះក៏ធ្វើឡើង ដើម្បីពិនិត្យពីវឌ្ឍនភាពការងារត្រៀមរៀបចំ មហាសន្និបាត AIPA លើកទី៤៣។
កិច្ចប្រជុំនេះ ដឹកនាំដោយលោកជាម យៀប អនុប្រធានទី១ រដ្ឋសភា និងជាប្រធានគណៈកម្មការរៀបចំមហាសន្និបាតអន្តរសភាអាស៊ាន (AIPA) លើកទី៤៣ ដោយនការអញ្ជើញចូលរួមពី លោកស្រី ឃួន សុដារី អនុប្រធានទី២ នៃរដ្ឋសភា និងសមាជិក សមាជិកា នៃគណៈកម្មការរៀបចំ ប្រធាន អនុប្រធាន សមាជិក សមាជិកា នៃអនុគណៈកម្មការនានា គណៈប្រតិភូសភាកម្ពុជា ក្រុមប្រឹក្សាយោបល់ តំណាងក្រសួងស្ថាប័នពាក់ព័ន្ធ ព្រមទាំងមន្ត្រីនៃលេខាធិការដ្ឋានជាតិអាយប៉ា-កម្ពុជា៕