.jpg)
សេចក្តីជូនដំណឹងស្តីពីការបិទចរាចរយានយន្តគ្រប់ប្រភេទនៅចំណុចបរិវេណរៀបចំពិធីអុំទូកក្រុងតាខ្មៅ ខេត្តកណ្តាល នៅថ្ងៃទី ២៩-៣០ ខែតុលា ឆ្នាំ ២០២២ ។
កណ្តាលៈ ខេត្តកណ្តាលនឹងធ្វើការបិទចរាចរយានយន្តនៅច្រកចូលក្នុងបរិវេណរៀបចំពិធីបុណ្យអំទូក ក្រុងតាខ្មៅ នៅថ្ងៃទី ២៩-៣០ ខែតុលា ដើម្បីរៀបចំឱ្យមានសណ្តាប់ធ្នាប់ សុវត្ថិភាព ចៀសវាងការកកស្ទះចរាចរណ៍ និងសម្រួលដល់អ្នកធ្វើដំណើរមកចូលរួមទស្សនាពិធីបុណ្យអុំទូក។ នេះបើតាមការបញ្ជាក់ពីមន្ទីរសាធារណការ និងដឹកជញ្ជូនខេត្តនេះ។
មន្ទីរបញ្ជាក់ក្នុងសេចក្តីជូនដំណឹង នាថ្ងៃទី ២៧ ខែតុលា ថា ចំណុចដែលត្រូវបិទចរាចរមានផ្លូវជាតិលេខ ២១ អា កែងផ្លូវលេខ ១១០ ផ្លូវលេខ ១០៩ កែងផ្លូវលេខ ២១០ ផ្លូវលេខ ១០៩ កែងផ្លូវលេខ ២០៩ ផ្លូវលេខ ១០៩ ផ្ទះលោក លឹមធី ផ្លូវជាតិលេខ ២១ កែងផ្លូវលេខ ១០៨ ។
ចំណុចដែលត្រូវបិទចរាចរទៀតនោះ មានផ្លូវលេខ ២០៧ កែងផ្លូវលេខ ១០៧ ផ្លូវលេខ ២០៧ កែងផ្លូវលេខ ១០៦ ផ្លូវលេខ ២០៧ កែងផ្លូវលេខ ១០៥ ផ្លូវលេខ ២០៧ កែងផ្លូវលេខ ១០៤ និងផ្លូវលេខ ២០៧ កែងផ្លូវជាតិលេខ ២១ អា៕
