.jpg)
ក្រសួងសង្គមកិច្ច អតីតយុទ្ធជន និងយុវនីតិសម្បទា និងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) បានចុះហត្ថលេខាលើ «គម្រោងអភិវឌ្ឍសមត្ថភាព ដើម្បីជួយដល់ជនដែលរួចពីការជួញដូរមនុស្ស»។ រូបភាព JICA Cambodia Office
ភ្នំពេញៈ ក្រសួងសង្គមកិច្ច អតីតយុទ្ធជន និងយុវនីតិសម្បទា និងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) បានចុះហត្ថលេខាលើ «គម្រោងអភិវឌ្ឍសមត្ថភាព ដើម្បីជួយដល់ជនដែលរួចពីការជួញដូរមនុស្ស» ដែលជាគម្រោងសហប្រតិបត្តិការបច្ចេកទេសថ្មីរបស់ JICA។
ពិធីចុះហត្ថលេខានេះធ្វើឡើងនាថ្ងៃទី ២៨ ខែតុលា នៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា។
JICA បញ្ជាក់ក្នុងហ្វេសប៊ុកនាថ្ងៃទី ២៨ ខែតុលា ថា គម្រោងនេះនឹងចាប់ផ្តើមពីដើមឆ្នាំ ២០២៣ ដល់ឆ្នាំ ២០២៦ ក្នុងគោលបំណង ដើម្បីអភិវឌ្ឍគំរូដែលអនុវត្តក្នុងការកំណត់អត្តសញ្ញាណការការពារ និងការស្តារឡើងវិញដល់ជនដែលរួចពីការជួញដូរមនុស្សជាមួយអភិក្រមផ្តោតចំពោះជនរស់រានមានជីវិត។
JICA បញ្ជាក់ថា៖ «គំរូទាំងនោះនឹងត្រូវបានអនុវត្តដោយភាគីពាក់ព័ន្ធនៅក្នុងវិស័យនេះផងដែរ។ ពិធីនេះត្រូវបានបញ្ចប់ដោយជោគជ័យ និងឯកភាពរួម»៕
