ភ្នំពេញៈ ក្រសួង​សុខាភិបាលបាន​ប្រកាស​រកឃើញ​ករណី​ឆ្លង​មេរោគ​កូវីដ ១៩ ​បន្ថែម​ទៀត​ចំនួន​ ២ នាក់ ​ខណៈ​មាន​អ្នកជា​សះ​ស្បើយ​ចំនួន​ ១ ​នាក់​ និង​មិនមាន​ករណី​ស្លាប់​ឡើយ។

យោង​តាម​សេចក្តីប្រកាស​របស់​ក្រសួង​សុខាភិបាល​ អ្នកឆ្លង​មេរោគ​កូវីដ ១៩ ​សម្រាប់​ថ្ងៃទី ២ ​ខែវិច្ឆិកា ​កម្ពុជា​បាន​រក​ឃើញ​ករណី​អ្នក​ឆ្លង​មេរោគ​កូវីដ ១៩ ​ក្នុង​សហគមន៍​ចំនួន ​២ នាក់ ​ដែល​ជាករណី​ស្នើសុំ​វិញ្ញាបនបត្រ​ចេញ​ទៅ​ក្រៅ​ប្រទេស។

គិត​ត្រឹម​ព្រឹក​ថ្ងៃទី ៣ ​ខែវិច្ឆិកា ​ឆ្នាំ ២០២២ ​កម្ពុជា ​មាន​អត្រា​ឆ្លង​មេរោគ​កូវីដ ១៩ ​សរុប​ចំនួន ​១៣៧ ៩៩៥ នាក់​ អ្នកជា​សះស្បើយ​សរុប​ចំនួន​ ១៣៤ ៩៣១ ​នាក់ ​និង​អ្នកស្លាប់​ចំនួន​ ៣ ០៥៦ ​នាក់៕