.jpg)
ខេត្តបន្ទាយមានជ័យមានប្រជាពលរដ្ឋជាង ៥ ម៉ឺននាក់ដែលមានអត្តសញ្ញាណបណ្ណសញ្ជាតិខ្មែរហួសសុពលភាព ខណៈសមត្ថកិច្ចកំពុងសម្រុកធ្វើអត្តសញ្ញាណបណ្ណថ្មីផ្តល់ដល់ពួកគាត់។ រូបភាព អគ្គស្នងការដ្ឋាននគរបាលជាតិ
បន្ទាយមានជ័យៈ ខេត្តបន្ទាយមានជ័យមានប្រជាពលរដ្ឋជាង ៥ ម៉ឺននាក់ដែលមានអត្តសញ្ញាណបណ្ណសញ្ជាតិខ្មែរហួសសុពលភាព ខណៈសមត្ថកិច្ចកំពុងសម្រុកធ្វើអត្តសញ្ញាណបណ្ណថ្មីផ្តល់ដល់ពួកគាត់ ដើម្បីយកទៅប្រើប្រាស់សម្រាប់បោះឆ្នោតជ្រើសតាំងតំណាងរាស្ត្រនាឆ្នាំក្រោយ។
គេហទំព័រអគ្គស្នងការដ្ឋាននគរបាលជាតិបញ្ជាក់នាថ្ងៃទី ៤ ខែវិច្ឆិកា ថា៖ «សមត្ថកិច្ចជំនាញអត្តសញ្ញាណបណ្ណសញ្ជាតិខ្មែរនៃស្នងការនគរបាលខេត្តបន្ទាយមានជ័យកំពុងមមាញឹកខ្លាំងសម្រុកធ្វើអត្តសញ្ញាណបណ្ណថ្មីផ្តល់ជូនដល់ប្រជាពលរដ្ឋជាង ៥ ម៉ឺននាក់ ដែលមានអត្តសញ្ញាណបណ្ណហួសសុពលភាព ដើម្បីឱ្យបានអត្តសញ្ញាណបណ្ណថ្មីប្រើប្រាស់ និងយកទៅបោះឆ្នោតនាឆ្នាំ ២០២៣ ខាងមុខ»។
ស្នងការដ្ឋាននគរបាលខេត្តនេះអំពាវនាវឱ្យប្រជាពលរដ្ឋ និងយុវជនដែលមានអត្តសញ្ញណបណ្ណសញ្ជាតិខ្មែរបាត់ ខូច ឬអស់សុពលភាព និងអ្នកមានអាយុ ១៥ ឆ្នាំឡើងទៅបំពេញបែបបទធ្វើអត្តសញ្ញាណបណ្ណថ្មី ដើម្បីយកទៅប្រើប្រាស់៕
