The Phnom Penh Post Search

Search form

Logo of Phnom Penh Post newspaper Phnom Penh Post - រដ្ឋបាល​ខេត្តកណ្តាល​ឱ្យ​ម្ចាស់​អាជីវកម្ម​ខ្សាច់​សូម​ផ្អាក​សកម្មភាព ដើម្បី​រក្សា​សុវត្ថិភាព និង​សណ្តាប់ធ្នាប់​ ក្នុង​អំឡុង​កិច្ចប្រជុំ​កំពូល​អាស៊ាន

រដ្ឋបាល​ខេត្តកណ្តាល​ឱ្យ​ម្ចាស់​អាជីវកម្ម​ខ្សាច់​សូម​ផ្អាក​សកម្មភាព ដើម្បី​រក្សា​សុវត្ថិភាព និង​សណ្តាប់ធ្នាប់​ ក្នុង​អំឡុង​កិច្ចប្រជុំ​កំពូល​អាស៊ាន

Content image - Phnom Penh Post
រដ្ឋបាល​ខេត្ត​កណ្តាល​បាន​ជូនដំណឹង​ដល់អ្នកដែល​មាន​ភូមិសាស្ត្រ ហ៊ុមព័ទ្ធ​រាជធានី​ភ្នំពេញ និង​ដើម្បី​ចូលរួម​រក្សា​សុវត្ថិភាព សោភ័ណភាព របៀប​រៀបរយ សណ្តាប់ធ្នាប់​សាធារណៈ និង​ត្រៀម​រៀបចំ​ទទួល​ភ្ញៀវទេសចរ​ជាតិ និង​អន្តរជាតិ ក្នុងអំឡុង​កិច្ចប្រជុំ​កំពូល​អាស៊ាន​ខាងមុខ​នេះ ។

រដ្ឋបាល​ខេត្តកណ្តាល​ឱ្យ​ម្ចាស់​អាជីវកម្ម​ខ្សាច់​សូម​ផ្អាក​សកម្មភាព ដើម្បី​រក្សា​សុវត្ថិភាព និង​សណ្តាប់ធ្នាប់​ ក្នុង​អំឡុង​កិច្ចប្រជុំ​កំពូល​អាស៊ាន

កណ្តាលៈ រដ្ឋបាល​ខេត្ត​កណ្តាល​បាន​ជូនដំណឹង​ដល់​លោក លោកស្រី សាធារណជន សហគ្រាស​សាធារណៈ ក្រុមហ៊ុន ម្ចាស់​អាជីវកម្ម​ដឹកជញ្ជូន​ខ្សាច់​ទាំងអស់​ថា កម្ពុជា​ក្នុងនាម​ជា​ប្រធាន​អាស៊ាន​ឆ្នាំ​ ២០២២ នឹង​ធ្វើជា​ម្ចាស់ផ្ទះ​កិច្ចប្រជុំ​កំពូល​អាស៊ាន លើក​ទី ​៤០ និង​ ៤១ និង​កិច្ចប្រជុំ​កំពូល​ពាក់ព័ន្ធ នាពេលខាងមុខ​នៅ​រាជធានី​ភ្នំពេញ​។

ខេត្តកណ្តាល​ជា​ខេត្ត​មួយ​ដែល​មាន​ភូមិសាស្ត្រ ហ៊ុមព័ទ្ធ​រាជធានី​ភ្នំពេញ និង​ដើម្បី​ចូលរួម​រក្សា​សុវត្ថិភាព សោភ័ណភាព របៀប​រៀបរយ សណ្តាប់ធ្នាប់​សាធារណៈ និង​ត្រៀម​រៀបចំ​ទទួល​ភ្ញៀវទេសចរ​ជាតិ និង​អន្តរជាតិ ក្នុងអំឡុង​កិច្ចប្រជុំ​កំពូល​អាស៊ាន​ខាងមុខ​នេះ រដ្ឋបាល​ខេត្តកណ្តាល​សូមឱ្យ​ម្ចាស់​អាជីវកម្ម​ខ្សាច់​ទាំងអស់ សូម​ផ្អាក​ការដឹកជញ្ជូន​ខ្សាច់​គ្រប់​ប្រភេទ​តាម​ដង​ទន្លេមេគង្គ ក្នុង​ភូមិ​សាស្ត្រ ស្រុក​ខ្សាច់កណ្តាល និង​ស្រុក​មុខកំពូល ខេត្ត​កណ្តាល ជា​បណ្តោះអាសន្ន ចាប់ពី​ថ្ងៃទី​ ០៦ ដល់​ថ្ងៃទី​ ១៤ ខែវិច្ឆិកា ឆ្នាំ ​២០២២​ ។ នេះ​បើ​យោងតាម​លិខិត​ចុះ​ថ្ងៃទី​ ៤ ​ខែវិច្ឆិកា​។

រដ្ឋបាលខេត្ត​សង្ឃឹម និង​ជឿជាក់​ថា ម្ចាស់​អាជីវកម្ម​ដឹកជញ្ជូន​ខ្សាច់​តាម​ដង​ទន្លេមេគង្គ ក្នុង​ភូមិសាស្ត្រ​ស្រុក​ខ្សាច់កណ្តាល និង​ស្រុក​មុខកំពូល ខេត្ត​កណ្តាល ទាំងអស់ ចូលរួម​សហការ អនុវត្ត​សេចក្តី​ជូនដំណឹង​នេះ​ឱ្យ​មាន​ប្រសិទ្ធភាព​ខ្ពស់​៕

អត្ថបទគួរចាប់អារម្មណ៍