កំពង់ស្ពឺៈ គ្រោះថ្នាក់ចរាចរណ៍រវាងរថយន្តម៉ាក HYUNDAI និងម៉ូតូ HONDA DREAM មួយបានបណ្តាលឱ្យមនុស្ស ២ នាក់ស្លាប់កាលពីថ្ងៃទី ៥ ខែវិច្ឆិកាឆ្នាំ ២០២២ វេលាម៉ោង ១០ និង ៣០ នាទីយប់ នៅលើផ្លូវជាតិលេខលេខ ៤ ចន្លោះគីឡូម៉ែត្រលេខ ៦៣-៦៤ ស្ថិតក្នុងភូមិក្រាំងល្ហុង ឃុំមហាសាំង ស្រុកភ្នំស្រួច។
ស្នងការដ្ឋាននគរបាលខេត្ត សៀមរាបបានឱ្យដឹងថា គ្រោះថ្នាក់ចរាចរណ៍នេះបង្កឡើងដោយរថយន្ត សណ្ដោងស៊ឺមីរឺម៉ក ដែលអ្នកបើកបរមិនត្រូវបានស្គាល់អត្តសញ្ញាណ ព្រោះបានចុះរត់គេចខ្លួនបាត់។
មុនកើតហេតុរថយន្ដ បើកបរពីទិសខាងលិចទៅទិសខាងកើត ហើយពេលទៅដល់ចំណុចខាងលើ បានបុកម៉ូតូ ដែលបើកបរដោយឈ្មោះ គិត បុល ភេទប្រុស អាយុ ២០ ឆ្នាំ និងអ្នករួមដំណើរឈ្មោះ រ៉ាត់ ធារ៉ា ភេទប្រុស អាយុ ២២ ឆ្នាំរស់នៅព្រៃឬស្សី ឃុំជាំសង្កែ ស្រុកភ្នំស្រួច។ អ្នកបើកម៉ូតូ និងអ្នករួមដំណើរបានស្លាប់ក្នុងហេតុការណ៍នេះ។ មូលហេតុគឺ ស្ថានភាពផ្លូវកំពុងតែជួសជុល និងមានលក្ខណៈចង្អៀតរថយន្ដ និងម៉ូតូចូលគន្លងដូចគ្នា ម៉ូតូបើកបរបញ្ច្រាសទិសគ្នា។
តាមការបញ្ជាក់ពីសមត្ថកិច្ចក្រោយហេតុការណ៍ខាងលើ សពជនរងគ្រោះត្រូវបានក្រុមគ្រួសារទទួលយកទៅធ្វើបុណ្យតាមប្រពៃណីសាសនានៅផ្ទះរៀងៗខ្លួន។ រីឯអ្នកបើកបររថយន្ដសមត្ថកិច្ចកំពុងតែបន្ដនីតិវិធីស្រាវជ្រាវស្វែងរកអ្នកទទួលខុសត្រូវមកដោះស្រាយតាមនីតិវិធី។
ម៉ូតូ និងរថយន្ដ ជាវត្ថុតាងទាំងពីរគ្រឿងយកមករក្សាទុកនៅអធិការដ្ឋាននគរបាលស្រុកភ្នំស្រួច ដើម្បីចាត់ការតាមនីតិវិធី៕