.jpg)
ការធ្វើតេស្ដរកមេរោគកូវីដ ១៩ នៅភ្នំពេញកន្លងមក ។ ហុង មិនា
ភ្នំពេញៈ ក្រសួងសុខាភិបាលប្រកាសថា កម្ពុជារកមិនឃើញអ្នកឆ្លងជំងឺកូវីដ ១៩ ថ្មីទេ ខណៈអ្នកជាសះស្បើយ និងអ្នកស្លាប់ក៏គ្មានដូចគ្នា។
តាមសេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី ១៣ ខែវិច្ឆិកាបានឱ្យដឹងថា ក្រសួងរកមិនឃើញអ្នកឆ្លងថ្មីជំងឺកូវីដ ១៩ ទេ នៅទូទាំងប្រទេសចំណែកអ្នកជាសះស្បើយ និងអ្នកស្លាប់ថ្មីក៏គ្មានដែរ។
ក្រសួងសុខាភិបាលបញ្ជាក់ថា គិតត្រឹមថ្ងៃទី ១៣ ខែវិច្ឆិកានេះ ចំនួនករណីឆ្លងជំងឺកូវីដ ១៩ សរុបមានចំនួន ១៣៧ ៩៩៦នាក់ ចំណែកករណីជាសះស្បើយសរុប ១៣៤ ៩៤០ នាក់និងករណីស្លាប់សរុប ៣ ០៥៦នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៣៥ នាក់ និងករណីអូមីក្រុងឆ្លងក្នុងសហគមន៍ ១៦ ១៧៧ នាក់។
លោកស្រី ឱ វណ្ណឌីន អ្នកនាំពាក្យក្រសួងសុខាភិបាលបានឱ្យដឹងថា កំណើនអត្រាចាក់វ៉ាក់សាំងកូវីដ១៩នៅកម្ពុជាគិតត្រឹមថ្ងៃទី១២ខែវិច្ឆិកាឆ្នាំ២០២២គឺលទ្ធផលចាក់វ៉ាក់សាំងធៀបនឹងចំនួនប្រជាជនសរុប១៦លាននាក់មាន៩៥,១៣ភាគរយ។
លោកស្រីបានអះអាងថាកំណើនអត្រាចាក់វ៉ាក់សាំងកូវីដ១៩នេះគឺប្រជាជនអាយុពី១៨ឆ្នាំឡើងមាន១០៣,៧៥ភាគរយ ធៀបជាមួយចំនួនប្រជាជនគោលដៅ១០លាននាក់។
ចំណែកកុមារ-យុវវ័យអាយុពី១២ឆ្នាំទៅក្រោម១៨ឆ្នាំ មាន១០១,១៤ភាគរយ ធៀបជាមួយចំនួនប្រជាជនគោលដៅ១ ៨២៧ ៣៤៨នាក់ និងលើកុមារអាយុពី៦ឆ្នាំ ដល់ក្រោម១២ឆ្នាំមាន១១០,២៥ភាគរយធៀបជាមួយនឹងប្រជាជនគោលដៅ១ ៨៩៧ ៣៨២នាក់ ខណៈលើកុមារអាយុ៥ឆ្នាំ មាន១៤០,០៦ភាគរយ ធៀបជាមួយនឹងប្រជាជនគោលដៅ ៣០៤ ៣១៧នាក់ និងកុមារអាយុ៣ឆ្នាំដល់ក្រោម៥ឆ្នាំ មាន៧៨,៤៦ភាគរយធៀបជាមួយនឹងប្រជាជនគោលដៅ៦១០,៧៣០នាក់។ បើតាមការអះអាងរបស់លោកស្រី ឱ វណ្ណឌីន៕
