កោះកុងៈ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោក ឌិត ទីណា បានស្នើឱ្យរដ្ឋបាលខេត្តកោះកុង រៀបចំផែនទី កសិកម្ម ដើម្បី ត្រៀមយុទ្ធសាស្ត្ររួម ក្នុងការចាត់វិធានការសរុប ដោះស្រាយបញ្ហាឱ្យចំគោលដៅ និងមានប្រសិទ្ធភាព។
ការស្នើរបស់លោករដ្ឋមន្ត្រី ឌិត ទីណា បែបនេះធ្វើឡើង ក្នុងពេលជួបជាមួយ អភិបាលខេត្តកោះកុងលោកស្រី ភូថង មិថុនា អភិបាល នៃគណៈអភិបាលខេត្តកោះកុង ដើម្បីពិភាក្សាការងារ និងបញ្ហាប្រឈមជាក់ស្តែងនៅនឹងកន្លែងក្នុងវិស័យកសិកម្ម នារសៀលថ្ងៃទី២៥ ខែវិច្ឆិកា។
លោកថ្លែងថា៖«ពាក់ព័ន្ធនឹងបទល្មើសផ្សេងៗ រួមទាំងបទល្មើសនេសាទ និងការទន្ទ្រានព្រៃ ខ្ញុំបានណែនាំដល់មន្ទីរកសិកម្ម រុក្ខាប្រមាញ់ និង នេសាទខេត្តប្រមូលព័ត៌មានឱ្យបានគ្រប់ជ្រុងជ្រោយ រកឬសគល់បញ្ហា នឹងចាត់វិធានការរួម កាត់បន្ថយបែបបទរដ្ឋបាលមួយចំនួន ដើម្បីងាយស្រួលក្នុងការបង្ក្រាបទាន់ពេលវេលា»៕