.jpg)
គ្រូពេទ្យធ្វើតេស្តរហ័សរកមេរោគកូវីដ ១៩ សម្រាប់ភ្ញៀវ មុនចូលរួមក្នុងកិច្ចប្រជុំអាស៊ាន ពីថ្ងៃទី ២១ វិច្ឆិកា ឆ្នាំ ២០២២ ។ ហេង ជីវ័ន
ភ្នំពេញៈ ក្រសួងសុខាភិបាលបានប្រកាសរកឃើញករណីអ្នកឆ្លងមេរោគកូវីដ ១៩ ចំនួន ៤ នាក់បន្ថែមទៀត ខណៈមានអ្នកជាសះស្បើយចំនួន៣នាក់ ប៉ុន្តែមិនមានការរកឃើញករណីស្លាប់នោះទេ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ ១៩ សម្រាប់ថ្ងៃទី ២៦ វិច្ឆិកា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ ចំនួន ៤ នាក់បន្ថែមទៀត ដែលជាប្រភេទអូមីក្រុងទាំងអស់។ ក្រសួងបន្តថា អ្នកឆ្លងទាំងនោះ ជាករណីស្នើសុំវិញ្ញាបនបត្រចេញទៅក្រៅប្រទេស។
គិតត្រឹមព្រឹកថ្ងៃទី ២៧ ខែវិច្ឆិកា កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៨ ០៦៣ នាក់ អ្នកជាសះស្បើយសរុបចំនួន ១៣៤ ៩៧១ នាក់ និងអ្នកស្លាប់ចំនួន៣ ០៥៦ នាក់៕
