ភ្នំពេញៈ ក្រសួងសុខាភិបាល បានប្រកាសរកឃើញករណីឆ្លងមេរោគកូវីដ ១៩ ចំនួន ៩ នាក់បន្ថែមទៀត ខណៈមានអ្នកជាសះស្បើយចំនួន ៤ នាក់ ប៉ុន្តែមិនមានការរកឃើញករណីស្លាប់នោះទេ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ ១៩ សម្រាប់ថ្ងៃទី ២៨ វិច្ឆិកា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ៩ នាក់បន្ថែមទៀត ដែលជាប្រភេទអូមីក្រុងទាំងអស់។ ក្រសួងបន្តថា អ្នកឆ្លងទាំងនោះ ជាករណីស្នើសុំវិញ្ញាបនបត្រចេញទៅក្រៅប្រទេស។
គិតត្រឹមព្រឹកថ្ងៃទី ២៩ ខែវិច្ឆិកា កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៨ ០៨២ នាក់ អ្នកជាសះស្បើយសរុបចំនួន ១៣៤ ៩៨០ នាក់ និងអ្នកស្លាប់ចំនួន ៣ ០៥៦ នាក់៕