.jpg)
ភ្នំពេញៈ លោកនាយករដ្ឋមន្ត្រី ហ៊ុន សែន ផ្ញើសារអបអរសាទរខួប ៧ ឆ្នាំ នៃការដាក់បញ្ចូល ល្បែងទាញព្រ័ត្រ ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ នាថ្ងៃទី ២ ខែធ្នូនេះ។
លោកបានសរសេរនៅលើហ្វេសប៊ុកថា៖ «អបអរសាទរ ខួប ៧ ឆ្នាំ (២ ធ្នូ ២០១៥ -២ ធ្នូ ២០២២) នៃការដាក់បញ្ចូល ល្បែងទាញព្រ័ត្រក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ»។
លោកបានអំពាវនាវដល់ប្រជាពលរដ្ឋខ្មែរត្រូវចេះស្រលាញ់ ចូលរួមថែរក្សា និងការពារ សម្បត្តិបេតិកភណ្ឌ «ដ៏មានតម្លៃរបស់ជាតិ និងពិភពលោកទាំងមូល»។
ល្បែងទាញព្រ័ត្រ ដែលជាល្បែងប្រជាប្រិយខ្មែរមួយប្រភេទដែលមានតាំងពីដូនតាមកនោះ ត្រូវបានដាក់បញ្ចូលក្នុងបញ្ជីតំណាងនៃបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ កាលពីថ្ងៃទី ២ ខែធ្នូ ឆ្នាំ ២០១៥ នៅទីក្រុងវិនឌុក ប្រទេសណាមីប៊ី តាមការស្នើពីប្រទេសចំនួន ៤ ដែលមានកម្ពុជា កូរ៉េខាងត្បូង វៀតណាម និងហ្វីលីពីន ដោយសារប្រទេសទាំងនេះក៏មានល្បែងទាញព្រ័ត្រនេះដែរ៕
