.jpg)
ភ្នំពេញៈ ក្នុងខែវិច្ឆិកា មន្ទីរពេទ្យគន្ធបុប្ផាបានពិនិត្យព្យាបាលកុមារឈឺចំនួនជាង ៦ ម៉ឺននាក់ នៅក្នុងផ្នែកពិគ្រោះជំងឺក្រៅ ខណៈកុមារមានជំងឺធ្ងន់ៗចំនួនជាង១ម៉ឺន នាក់ ត្រូវបានដាក់ឱ្យសម្រាកព្យាបាលនៅក្នុងមន្ទីរពេទ្យនេះ។
របាយការណ៍មន្ទីរពេទ្យគន្ធបុប្ផាបានឱ្យដឹងថា៖ «កុមារឈឺចំនួន ៦៧ ៦២៩នាក់ ត្រូវបានពិនិត្យព្យាបាលនៅក្នុងផ្នែកពិគ្រោះជំងឺក្រៅ។ កុមារមានជំងឺធ្ងន់ៗចំនួន ១៣ ៨៦៩នាក់ដាក់ឱ្យសម្រាកព្យាបាលនៅក្នុងមន្ទីរពេទ្យ។ កុមារមានជំងឺគ្រុនឈាម ចំនួន៧០៥នាក់ បានសម្រាកព្យាបាលនៅក្នុងមន្ទីរពេទ្យ»។
បើតាមរបាយការណ៍ កុមារចំនួន ១ ៨៩៥នាក់ ត្រូវបានទទួលការវះកាត់។ កុមារចំនួន៦៩នាក់បានទទួលការវះកាត់បេះដូង និងភ្ជិតប្រហោងបេះដូងតាមសរសៃឈាមនៅមន្ទីរពេទ្យគន្ធបុប្ផា រាជធានីភ្នំពេញ និងខេត្តសៀមរាប។
របាយការណ៍បន្តថា នៅផ្នែកសម្ភពនៃមន្ទីរពេទ្យជ័យវរ្ម័នទី៧ ឬហៅថាគន្ធបុប្ផាទី៣ ស្ត្រីមានផ្ទៃពោះចំនួន ៨ ១៩៣ នាក់ បានមកពិនិត្យតាមដានផ្ទៃពោះនិងព្យាបាល នៅក្នុងផ្នែកពិគ្រោះជំងឺក្រៅនៃមន្ទីរសម្ភព និងសម្រាលកូនបានចំនួន១ ៨០៨ នាក់៕
