The Phnom Penh Post Search

Search form

Logo of Phnom Penh Post newspaper Phnom Penh Post - លោក​​ ប្រាក់ សុខុន ចុះ​ពិនិត្យ​ និង​បិទ​វគ្គ​ហ្វឹកហ្វឺន​ជំនាញ​សាងសង់​ស្ពាន​ចល័ត​លើគោក ​និង​ស្ពាន​ចល័ត​បណ្តែត​ទឹក កងកម្លាំង​មួក​ខៀវ​កម្ពុជា

លោក​​ ប្រាក់ សុខុន ចុះ​ពិនិត្យ​ និង​បិទ​វគ្គ​ហ្វឹកហ្វឺន​ជំនាញ​សាងសង់​ស្ពាន​ចល័ត​លើគោក ​និង​ស្ពាន​ចល័ត​បណ្តែត​ទឹក កងកម្លាំង​មួក​ខៀវ​កម្ពុជា

Content image - Phnom Penh Post

លោក​​ ប្រាក់ សុខុន ចុះ​ពិនិត្យ​ និង​បិទ​វគ្គ​ហ្វឹកហ្វឺន​ជំនាញ​សាងសង់​ស្ពាន​ចល័ត​លើគោក ​និង​ស្ពាន​ចល័ត​បណ្តែត​ទឹក កងកម្លាំង​មួក​ខៀវ​កម្ពុជា

កំពង់ចាមៈ លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ និង​ជា​ប្រធាន​គណៈកម្មាធិការ​ជាតិ នៅ​ថ្ងៃទី​២ ខែធ្នូ បាន​ចុះ​ពិនិត្យ និង​បិទ​វគ្គ​ហ្វឹកហ្វឺន​ជំនាញ​សាងសង់​ស្ពាន​ចល័ត​លើគោក និង​ស្ពាន​ចល័ត​បណ្តែត​ទឹក របស់​កងកម្លាំង​មួក​ខៀវ​កម្ពុជា នៅ​ឃុំ​អំពិល​ទឹក ស្រុក​បាធាយ ខេត្តកំពង់ចាម​។

​ការចុះពិនិត្យ និង​បិទ​វគ្គ​ហ្វឹកហ្វឺន​នេះ រួម​ដំណើរ​ដោយ លោក សែម សុវណ្ណនី អនុប្រធាន​គណៈកម្មាធិកា​រ​ជាតិ និង​ជា​អគ្គនាយក​មជ្ឈមណ្ឌល​ជាតិ​រក្សា​សន្តិភាព និង​លោក លោកស្រី អគ្គនាយករង មជ្ឈមណ្ឌល​ជាតិ​រក្សា​សន្តិភាព​។​

​លោក សែម សុវណ្ណនី បាន​បញ្ជាក់ថា ដោយ​ផ្អែកលើ​សមត្ថភាព បទពិសោធន៍ និង​លទ្ធផល​ការងារ​កន្លងមក អ​.​ស​.​ប បានស្នើ​សុំ​ជា​ផ្លូវ​ការឱ្យ​កម្ពុជា បន្ថែម​កម្លាំង និង​សម្ភារ លើ​ផ្នែក ជំនាញ​កម្ទេច​គ្រឿងផ្ទុះ និង​ជំនាញ​សាងសង់​ស្ពាន​ចល័ត​លើគោក (TMM) និង​ស្ពាន​ចល័ត​បណ្តែត​ទឹក (PMP)​។ ដោយឡែក មធ្យោបាយ សម្ភារ ឧបករណ៍​របស់​កង​កម្ទេច​គ្រឿងផ្ទុះ (EOD ) ថ្មី បាន​ដឹក​ចេញពី​កម្ពុជា​រួចរាល់​ហើយៗ​កម្លាំង​នឹង​ចេញដំណើរ​នៅពេល​ខាងមុខនេះ​។​

​លោក បាន​បន្តថា កងកម្លាំង​ជំនាញ​ស្ពាន​ចល័ត​លើគោក (TMM) និង​ស្ពាន​ចល័ត​បណ្តែត​ទឹក (PMP ) គឺ​កំពុង​ហ្វឹកហ្វឺន​នេះ​បានចាប់ផ្ដើម​បើក​វគ្គ​ក្រោម​អធិបតីភាព​លោក ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ ចាប់ពី​ថ្ងៃទី​៧ ខែតុលា ហើយនឹង​បញ្ចប់​នៅ​ថ្ងៃទី​២ ខែធ្នូ ឆ្នាំ​២០២២​នេះ ដោយមាន​ការចូលរួម​ពី​សិក្ខាកាម​សរុប​ចំនួន​៣៨​រូប អ្នកសម្របសម្រួល​ទូទៅ​១​រូប អ្នកបកប្រែ​ភាសា​ចិន​១ រូប ក្រុម​គ្រូ​ចិន​ចំនួន​៦​រូប​។​

​លោក​បញ្ជាក់ថា​៖«​បន្ទាប់ពី​ហ្វឹកហ្វឺន​រួចមក សិក្ខាកាម​ទទួលបាន​ចំណេះដឹង ចំណេះធ្វើ ជា​ផ្លែផ្កា​ដូចជា​៖ របៀប​បែងចែក​ក្រុម និង​អនុវត្ត​ភារកិច្ច​តាម​តួនាទី​នីមួយៗ​ក្នុង​ក្រុម លក្ខណៈ​បច្ចេកទេស​របស់​រថយន្ត ពោង​ស្ពាន និង​កាណូត ការទម្លាក់​និង​សា​ឡើងវិញ​ពោង​ស្ពាន ជើង​និង​ក្បាលស្ពាន និង​កាណូត​»​។

​ជាមួយគ្នា​នោះ សិក្ខាកាម​ក៏​ចេះ​ធ្វើការ​ភ្ជាប់​និង​ផ្តាច់​ពោង​ស្ពាន​ពីមួយ​ទៅមួយ និង​ច្រាន​ចូលគ្នា បច្ចេកទេស​ប្រើប្រាស់​កាណូត ការភ្ជាប់​ពោង​ស្ពាន​នឹង​កាណូត​ធ្វើជា​សាឡាង វិធីសាស្ត្រ​ប្រើប្រាស់​សាឡាង ការថែទាំ​និង​ជួសជុល​រថយន្ត​ពោង​ស្ពាន និង​កាណូត​៕​

អត្ថបទគួរចាប់អារម្មណ៍