The Phnom Penh Post Search

Search form

Logo of Phnom Penh Post newspaper Phnom Penh Post - ​ក្រុមហ៊ុន​ដ៏​ធំ​របស់​ចិន​មានបំណង​ជួយ​ពង្រឹងសមត្ថភាព​ ​និង​ជំរុញ​ការនាំចេញ​ផលិតផល​កសិកម្ម​កម្ពុ​ជា​ទៅ​លក់​នៅ​ប្រទេស​ចិន​

​ក្រុមហ៊ុន​ដ៏​ធំ​របស់​ចិន​មានបំណង​ជួយ​ពង្រឹងសមត្ថភាព​ ​និង​ជំរុញ​ការនាំចេញ​ផលិតផល​កសិកម្ម​កម្ពុ​ជា​ទៅ​លក់​នៅ​ប្រទេស​ចិន​

Content image - Phnom Penh Post

​ក្រុមហ៊ុន​ដ៏​ធំ​របស់​ចិន​មានបំណង​ជួយ​ពង្រឹងសមត្ថភាព​ ​និង​ជំរុញ​ការនាំចេញ​ផលិតផល​កសិកម្ម​កម្ពុ​ជា​ទៅ​លក់​នៅ​ប្រទេស​ចិន​

ភ្នំពេញៈ ក្រុមហ៊ុន China Firm for Global Business (CFGB)​មានបំណង​សហការ​ជាមួយ​ក្រសួងកសិកម្ម រុក្ខាប្រមាញ់ ដើម្បី​ជួយ​គាំទ្រ​ដល់​ការពង្រឹង​សមត្ថភាព​ម​ន្ទីរ​ពិសោធន៍ ការកសាង​សមត្ថភាព និង​ការស្រាវជ្រាវ សំដៅ​ជំរុញ​ការនាំចេញ​ផលិតផល​កសិកម្ម ទៅកាន់​ទីផ្សារ​ប្រទេស​ចិន​។​

​ក្នុងជំនួប​ពិភាក្សា​ការងារ ជាមួយ​លោក តឹក​រ៉េត សំរេច រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​រដ្ឋលេខាធិការ​ទីស្តីការគណៈរដ្ឋមន្ត្រី និង​លោកស្រី Liu Shujuan ប្រធាន​ក្រុមប្រឹក្សាភិបាល​ក្រុមហ៊ុន China Firm for Global Business (CFGB) នៅ​ទីស្តីការ​ក្រសួងកសិកម្ម រុក្ខាប្រមាញ់ និង​នេសាទ នៅ​ថ្ងៃទី​៨ ខែធ្នូ លោក ឌិ​ត ទីណា រដ្ឋមន្ត្រី​ក្រសួងកសិកម្ម រុក្ខាប្រមាញ់ និង​នេសាទ ឱ្យដឹងថា ក្រុមហ៊ុន China Firm for Global Business (CFGB) គឺជា​ក្រុមហ៊ុន​ដ៏​ធំ​របស់​ចិន ដែល​បាន​វិនិយោគ​នៅក្នុង​វិស័យ​កសិកម្ម និង​ចំណីអាហារ ដោយបាន​នាំចេញ​-​នាំចូល​ផលិតផល​កសិកម្ម​ពី​ប្រទេស​ជាច្រើន ដូចជា​ប្រទេស​អាមេរិក អាស៊ី អឺរ៉ុប និង​ប្រទេស​អូស្ត្រាលី ជាដើម​។

​លោក​បញ្ជាក់ថា​៖«​គោលបំណង​នៃ​ជំនួប គឺ​ដើម្បី​ពិភាក្សា​ស្វែងរក​កិច្ចសហការ​ក្នុង​ការជួយ​គាំទ្រ​ដល់​ការពង្រឹង​សមត្ថភាព និង​ជួយ​ជំរុញ​ការនាំចេញ​ផលិតផល​កសិកម្ម​រប​ស់​កម្ពុជា​ទៅកាន់​ទីផ្សារ​ប្រទេស​ចិន​»​។​

​លោក​រដ្ឋមន្ត្រី​បញ្ជាក់​បន្ថែមថា លោក​បាន​ស្នើឱ្យ​ក្រុមហ៊ុន​សិក្សា​លម្អិត​ពី​តម្រូវការ​ទីផ្សារ​របស់​ប្រទេស​ចិន លើ​ផលិតផល​កសិកម្ម​រប​ស់​កម្ពុជា និង​រៀបចំ​ជា​ផែនការ​ច្បាស់លាស់ ហើយ​ក្រសួងកសិកម្ម រុក្ខាប្រមាញ់ និង​នេសាទ រីករាយ​ស្វាគមន៍​ក្នុង​ការជួយ​សម្របសម្រួល ក៏ដូចជា​ផ្ដល់​កិច្ចសហការ​នៅពេល​អនាគត​៕

អត្ថបទគួរចាប់អារម្មណ៍