.jpg)
ការធ្វើតេស្ដរកមេរោគកូវីដនៅភ្នំពេញ កាលពីពេលកន្លងទៅ ។ ហុង មិនា
ភ្នំពេញៈក្រសួងសុខាភិបាលកម្ពុជាប្រកាសរកឃើញអ្នកឆ្លងជំងឺកូវីដ១៩ថ្មីចំនួន១៣នាក់បន្ថែមទៀត ខណៈអ្នកជាសះស្បើយថ្មីមាន៨នាក់ ប៉ុន្តែមិនមានអ្នកស្លាប់ដោយសារជំងឺនេះទេ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី១១ ខែធ្នូ បានឱ្យដឹងថា ក្រសួងរកឃើញអ្នកមានជំងឺកូវីដ១៩ចំនួន១៣នាក់បន្ថែមទៀត ជាករណីឆ្លងក្នុងសហគមន៍ សុទ្ធតែប្រភេទអូមីក្រុងទាំងអស់។ក្នុងចំណោមទាំង១៣នាក់នោះ មាន៨នាក់ ត្រូវបានរកឃើញមានវិជ្ជមានកូវីដ១៩ក្នុងពេលស្នើសុំវិញ្ញាបនបត្រចេញទៅក្រៅប្រទេស។ក្រសួងបញ្ជាក់ថារបាយការណ៍ថ្ងៃនេះ មានអ្នកជាសះស្បើយថ្មី៨នាក់ និងគ្មានអ្នកស្លាប់ឡើយ។
បើតាមក្រសួងសុខាភិបាល គិតត្រឹមថ្ងៃទី១១ ខែធ្នូ ចំនួនករណីឆ្លងជំងឺកូវីដ១៩ សរុបកើនដល់ចំនួន ១៣៨ ២៥១នាក់ ចំណែកករណីជាសះស្បើយសរុប១៣៥ ០៨៤នាក់ និងករណីស្លាប់សរុប ៣ ០៥៦នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៣៦នាក់ និងករណីអូមីក្រុងឆ្លងក្នុងសហគមន៍កើនដល់ ១៦ ៤៣១នាក់៕
