.jpg)
គ្រូពេទ្យធ្វើតេស្តរហ័សរកមេរោគកូវីដ១៩លើពលរដ្ឋ នៅរាជធានីភ្នំពេញ កាលពីខែមីនា ឆ្នាំ២០២២។ រូបថត ហេង ជីវ័ន
ភ្នំពេញៈ ក្រសួងសុខាភិបាលកម្ពុជាប្រកាសរកឃើញអ្នកឆ្លងជំងឺកូវីដ ១៩ ចំនួន៨នាក់បន្ថែមទៀត ខណៈអ្នកជាសះស្បើយថ្មីមាន ២២ នាក់ ប៉ុន្តែមិនមានអ្នកស្លាប់ដោយសារជំងឺនេះទេ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី១៨ ខែធ្នូ ឱ្យដឹងថា ក្រសួងរកឃើញអ្នកមានជំងឺកូវីដ១៩ ចំនួន៨នាក់បន្ថែមទៀត ជាករណីឆ្លងក្នុងសហគមន៍។ ក្រសួងបញ្ជាក់ថា របាយការណ៍ថ្ងៃនេះ មានអ្នកជាសះស្បើយថ្មី២២នាក់ និងគ្មានអ្នកស្លាប់ឡើយ។
បើតាមក្រសួងសុខាភិបាល គិតត្រឹមថ្ងៃទី១៧ ខែធ្នូនេះ ចំនួនករណីឆ្លងជំងឺកូវីដ១៩ សរុបកើនដល់ចំនួន១៣៨ ៣៨៧នាក់ ចំណែកករណីជាសះស្បើយ សរុប១៣៥ ២០៧នាក់ និងករណីស្លាប់សរុប៣ ០៥៦នាក់៕
