.jpg)
គ្រូពេទ្យយកសំណាកស្រ្តីម្នាក់ ដើម្បីធ្វើតេស្តស្វែងរកមេរោគកូវីដ ១៩ នាពេលកន្លងទៅ។ ហេង ជីវ័ន
ភ្នំពេញៈក្រសួងសុខាភិបាលកម្ពុជាប្រកាសរកឃើញអ្នកឆ្លងជំងឺកូវីដ ១៩ ចំនួន ១០ នាក់បន្ថែមទៀត ខណៈអ្នកជាសះស្បើយថ្មី មាន ១៨ នាក់ ប៉ុន្តែមិនមានអ្នកស្លាប់ដោយសារជំងឺនេះទេ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី២៧ ខែធ្នូនេះ បានឱ្យដឹងថា ក្រសួងរកឃើញអ្នកមានជំងឺកូវីដ១៩ ចំនួន១០នាក់បន្ថែមទៀត ជាករណីឆ្លងក្នុងសហគមន៍ សុទ្ធតែប្រភេទអូមីក្រុងទាំងអស់ ក្នុងនោះ មាន៩នាក់ ត្រូវបានរកឃើញមានវិជ្ជមានកូវីដ១៩ ក្នុងករណីស្នើសុំវិញ្ញាបនបត្រចេញទៅក្រៅប្រទេស។ ក្រសួងបញ្ជាក់ថា របាយការណ៍ថ្ងៃនេះ មានអ្នកជាសះស្បើយថ្មី១៨នាក់ និងគ្មានអ្នកស្លាប់ឡើយ។
បើតាមក្រសួងសុខាភិបាល គិតត្រឹមថ្ងៃទី២៧ខែធ្នូ ចំនួនករណីឆ្លងជំងឺកូវីដ១៩ សរុបកើនដល់ចំនួន ១៣៨ ៥៣៥នាក់។ ចំណែកករណីជាសះស្បើយសរុប ១៣៥ ៣៨២នាក់ និងករណីស្លាប់សរុប ៣ ០៥៦នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៣៨នាក់ និងករណីអូមីក្រុងឆ្លងក្នុងសហគមន៍កើនដល់១៦ ៧១៣នាក់៕
