.jpg)
គ្រូពេទ្យធ្វើតេស្តស្វែងរកមេរោគកូវីដ ១៩ នៅរាជធានីភ្នំពេញ នាពេលកន្លងទៅ។ ហេង ជីវ័ន
ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ ១៩ ចំនួន ៦ នាក់បន្ថែមទៀត និងមានអ្នកជាសះស្បើយចំនួន ១៦ នាក់ ប៉ុន្តែមិនមានរកឃើញករណីស្លាប់ទៀតទេ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ១៩ សម្រាប់ថ្ងៃទី៣០ខែធ្នូ កម្ពុជាបានរកឃើញករណីឆ្លងមេរោគកូវីដ១៩ ក្នុងសហគមន៍ចំនួន៦នាក់ និងមានអ្នកជាសះស្បើយពីជំងឺនេះចំនួន ១៦នាក់ផងដែរ។
គិតត្រឹមព្រឹកថ្ងៃទី៣១ ខែធ្នូ កម្ពុជាមានអត្រាឆ្លងមេរោគកូវីដ១៩ សរុបចំនួន ១៣៨ ៥៨៤នាក់ អ្នកជាសះស្បើយសរុបចំនួន ១៣៥ ៤៤៤ នាក់ និងអ្នកស្លាប់ចំនួន ៣ ០៥៦ នាក់៕
