ភ្នំពេញៈ ក្រសួងការងារ និងបណ្តុះបណ្តាលវិជ្ជាជីវៈ បានប្រកាសប្រាប់ពីឱកាសការងារជាង ៣០០ កន្លែងបន្ថែមទៀត «ដាក់ពាក្យភ្លាម សម្ភាសភ្លាម» ដែលធ្វើឡើងនៅព្រឹកថ្ងៃទី ៦ ខែមករាឆ្នាំ ២០២៣ នេះ ដោយក្រុមហ៊ុនធំៗចំនួន ២។
ក្រុមហ៊ុនធំៗទាំង ២ នោះរួមមានក្រុមហ៊ុន Luxelite Group និង ម៉ាស្ទ័រ ស៊ុគីស៊ុប ដែលនឹងផ្តល់ឱកាសការងារចំនួន ៣៥១ កន្លែង ក្នុងកម្មវិធី៖ “កិច្ចសម្ភាសប្រចាំខែ” របស់ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ។
ចំពោះសិស្សនិស្សិត និងអ្នកកំពុងតែស្វែងរកការងារ ឬចង់ផ្លាស់ប្តូរការងារអាចយកប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសដោយផ្ទាល់ជាមួយតំណាង ក្រុមហ៊ុនទាំង ២ នោះបាន ចាប់ពីម៉ោង ៨:០០ ព្រឹក ដល់ម៉ោង ៥:០០ ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ។
ដើម្បីទទួលព័ត៌មានបន្ថែម សូមទាក់ទងមជ្ឈមណ្ឌលការងារ រាជធានីភ្នំពេញ នៃទីភ្នាក់ងារជាតិមុខរបរ និងការងារ តាមរយៈ 077 232378 / 016 786655(Telegram)៕