ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ ១៩ ចំនួន ២ នាក់បន្ថែមទៀត និងមានអ្នកជាសះស្បើយចំនួន ១៣ នាក់ ប៉ុន្តែមិនមានរកឃើញករណីស្លាប់ទៀតទេ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ១៩ សម្រាប់ថ្ងៃទី ៥ ខែមករា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ២ នាក់ និងមានអ្នកជាសះស្បើយពីជំងឺនេះចំនួន ១៣ នាក់ផងដែរ។
គិតត្រឹមព្រឹកថ្ងៃទី ៦ ខែមករា កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៨ ៦១៧ នាក់ អ្នកជាសះស្បើយសរុបចំនួន ១៣៥ ៥៣១ នាក់ និងអ្នកស្លាប់ចំនួន ៣ ០៥៦ នាក់៕