ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ១៩ ចំនួន៥នាក់បន្ថែមទៀត និងមានអ្នកជាសះស្បើយចំនួន៨នាក់ ប៉ុន្តែមិនមានរកឃើញករណីស្លាប់ទៀតទេ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ១៩ សម្រាប់ថ្ងៃទី ៦ ខែមករា កម្ពុជាបានរកឃើញករណីឆ្លងមេរោគកូវីដ១៩ ក្នុងសហគមន៍ចំនួន៥នាក់ និងមានអ្នកជាសះស្បើយពីជំងឺនេះចំនួន ៨នាក់ផងដែរ។
គិតត្រឹមព្រឹកថ្ងៃទី៧ ខែមករា កម្ពុជាមានអត្រាឆ្លងមេរោគកូវីដ១៩ សរុបចំនួន ១៣៨ ៦២២នាក់ អ្នកជាសះស្បើយសរុបចំនួន ១៣៥ ៥៣៩នាក់ និងអ្នកស្លាប់ចំនួន ៣ ០៥៦ នាក់៕