.jpg)
គ្រពេទ្យធ្វើតេស្តរហ័សរកមេរោគកូវីដ១៩លើមន្ត្រីមុនពេលចូលរួមសិក្ខាសាលា កាលពីឆ្នាំ២០២២។ ហេង ជីវ័ន
ភ្នំពេញៈ ក្រសួងសុខាភិបាលកម្ពុជាប្រកាសមិនមានការរកឃើញអ្នកឆ្លងជំងឺកូវីដ១៩ ថ្មីទេ ប៉ុន្តែមានអ្នកជាសះស្បើយថ្មីចំនួន ៦នាក់ និងមិនមានអ្នកស្លាប់ដោយសារជំងឺនេះទៀតឡើយ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី២២ ខែមករា ឆ្នាំ២០២៣ បានឱ្យដឹងថា ក្រសួងរកមិនឃើញអ្នកមានជំងឺកូវីដ១៩ ថ្មីទេនៅថ្ងៃទី២១ ខែមករា ប៉ុន្តែមានអ្នកជាសះស្បើយថ្មីចំនួន៦នាក់ និងមិនមានអ្នកស្លាប់ដោយសារជំងឺនេះទៀតទេ។
បើតាមក្រសួងសុខាភិបាល គិតត្រឹមថ្ងៃទី២២ ខែមករានេះ ចំនួនករណីឆ្លងជំងឺកូវីដ១៩ សរុបមានចំនួន១៣៨ ៦៧៦នាក់ ចំណែកករណីជាសះស្បើយសរុប១៣៥ ៦១១នាក់ និងករណីស្លាប់សរុប ៣ ០៥៦នាក់។ រីឯករណីនាំចូលពីក្រៅប្រទេស សរុបមានចំនួន ២១ ២៤២នាក់ និងករណីអូមីក្រុងឆ្លងក្នុងសហគមន៍កើនដល់១៦ ៨៥០នាក់៕
