ភ្នំពេញៈ ក្រសួងសុខាភិបាលកម្ពុជាប្រកាសរកឃើញអ្នកឆ្លងជំងឺកូវីដ ១៩ ថ្មី ម្នាក់បន្ថែមទៀត ប៉ុន្តែមិនមានអ្នកជាសះស្បើយថ្មី ឬស្លាប់ដោយសារជំងឺនេះឡើយ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី ២៣ ខែ មករា ឆ្នាំ ២០២៣នេះ បានឱ្យដឹងថា ក្រសួងរកឃើញអ្នកមានជំងឺកូវីដ១៩ ថ្មីចំនួន ១នាក់ ជាប្រភេទអូមីក្រុង និងត្រូវបានរកឃើញកូវីដ១៩ក្នុងករណីស្នើសុំវិញ្ញាបនបត្រចេញទៅក្រៅប្រទេស។ ក្រសួងបញ្ជាក់ថា របាយការណ៍ថ្ងៃនេះ មិនមានអ្នកជាសះស្បើយថ្មី ឬអ្នកស្លាប់ អ្នកស្លាប់ឡើយ។
បើតាមក្រសួងសុខាភិបាល គិតត្រឹមថ្ងៃទី ២៣ ខែ មករាចំនួនករណីឆ្លងជំងឺកូវីដ១៩ សរុបកមានចំនួន ១៣៨ ៦៧៧ នាក់ ចំណែកករណីជាសះស្បើយសរុប ១៣៥ ៦១១ នាក់ និង ករណីស្លាប់សរុប ៣ ០៥៦នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៤២ នាក់ និងករណីអូមីក្រុងឆ្លងក្នុងសហគមន៍កើនដល់ ១៦ ៨៥១នាក់៕