ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ ១៩ ចំនួន ២ នាក់បន្ថែមទៀត និងមានអ្នកជាសះស្បើយចំនួន ៣ នាក់ ប៉ុន្តែមិនមានរកឃើញករណីស្លាប់ទៀតទេ។
យោងតាមសេចក្តីប្រកាសរបស់ក្រសួងសុខាភិបាល អ្នកឆ្លងមេរោគកូវីដ១៩ សម្រាប់ថ្ងៃទី៣ ខែកុម្ភៈ កម្ពុជាបានរកឃើញករណីឆ្លងមេរោគកូវីដ១៩ ក្នុងសហគមន៍ចំនួន២នាក់ និងមានអ្នកជាសះស្បើយពីជំងឺនេះចំនួន ៣នាក់ផងដែរ។
គិតត្រឹមព្រឹកថ្ងៃទី៤ ខែកុម្ភៈ កម្ពុជាមានអត្រាឆ្លងមេរោគកូវីដ១៩ សរុបចំនួន ១៣៨ ៦៩៧នាក់ អ្នកជាសះស្បើយសរុបចំនួន ១៣៥ ៦៣១នាក់ និងអ្នកស្លាប់ចំនួន ៣ ០៥៦ នាក់៕