សៀមរាបៈ អាជ្ញាធរជាតិអប្សរាបានអនុញ្ញាតជូនស្ថាប័ន JASA ធ្វើការរុះរើដំបូលបណ្ណាល័យ ប្រាសាទ បាយ័ន ជាបណ្ដោះអាសន្ន សម្រាប់សិក្សាស្រាវជ្រាវ អភិរក្ស ចម្លាក់លៀនខាងក្នុង។ តាមរយៈការអនុញ្ញាតនេះអាជ្ញាធរជាតិអប្សរាស្នើសុំឱ្យអាជ្ញាធរមានសមត្ថកិច្ចពាក់ព័ន្ធជួយសម្រួលដល់ការងារនេះផងដែរ។
តាមលិខិតអនុញ្ញាតរបស់អាជ្ញាធរជាតិអប្សរា ចុះថ្ងៃទី៣ ខែកុម្ភៈ បានឱ្យដឹងថា ខ្លួនបានអនុញ្ញាតជូនស្ថាប័ន JASA ធ្វើការរុះរើដំបូលបណ្ណាល័យ ប្រាសាទ បាយ័ន ជាបណ្ដោះអាសន្ន សម្រាប់សិក្សាស្រាវជ្រាវ អភិរក្ស ចម្លាក់លៀនខាងក្នុង។ ក្នុងន័យដើម្បីឱ្យការងារខាងលើនេះដំណើរការទៅដោយរលូន ក្រុមការងារស្ថាប័ន JASA ត្រូវសហការជាមួយនាយកដ្ឋានអភិរក្សប្រាសាទ និងបុរាណវិទ្យានៃអាជ្ញាធរជាតិអប្សរា៕