.jpg)
គំរូស្លាកលេខពិសេសផ្ទាល់ខ្លួន សម្រាប់រថយន្ត។ រូបថត ក្រសួងសាធារណការ
ភ្នំពេញៈ ក្រសួងសាធារណការ និងដឹកជញ្ជូនបានប្រកាសជាថ្មីទៀត កាលពីថ្ងៃទី ១៦ កុម្ភៈ ពីការធ្វើស្លាកលេខពិសេសផ្ទាល់ខ្លួន សម្រាប់រថយន្ត ដែលជាជម្រើសមួយបន្ថែម សម្រាប់អ្នកដែលចង់បានស្លាកលេខ ជាឈ្មោះ តួអក្សរ ឬលេខជាដើម ដែលអាចប្រើបានត្រឹម ៨ ខ្ទង់។
ចំនួនខ្ទង់កាន់តែច្រើន តម្លៃកាន់តែធូរថ្លៃ។ លេខពិសេសផ្ទាល់ខ្លួន មានតម្លៃចាប់ពី ២ លានរៀលឡើងទៅចំពោះលេខ ៨ ខ្ទង់។
ក្រសួងសាធារណការបញ្ជាក់ថា ស្របជាមួយគ្នាផងដែរ លេខរាជធានី-ខេត្តទូទៅ នៅតែដំណើរការធម្មតា ហើយមិនតម្រូវឱ្យផ្លាស់ប្តូរឡើយ ឯតម្លៃធម្មតា ហើយក៏មានលេខបញ្ចុះតម្លៃផងដែររួមមាន៖ ថយ ១ ស៊េរី ចុះតម្លៃ ៥០%, ថយ ២ ស៊េរី ចុះតម្លៃ ៧៥%, ថយ ៣ ស៊េរី ចុះតម្លៃ ៩០%, ថយ ៤ ស៊េរី ចុះតម្លៃ ៩៥% និងថយចាប់ពី ៥ ស៊េរីឡើងទៅ ចុះតម្លៃ ១០០%។ ចំណែកស្លាកលេខ «ចVUTHY.Z1» មានតម្លៃ ២ ៨២៦ ០០០ រៀល។
សាធារណជន អាចចូលមើលតម្លៃ ឬទិញលេខតាមរយៈ៖ https://vehicle.mpwt.gov.kh ហើយព័ត៌មានលម្អិតពីការធ្វើស្លាកលេខពិសេសផ្ទាល់ខ្លួន សូមទាក់ទងមណ្ឌលប្រឹក្សាយោបល់លើសេវាសាធារណៈ តាមរយៈលេខទូរស័ព្ទ (Hotline) 1275 ៕
