ភ្នំពេញៈ ក្រសួងសុខាភិបាលកម្ពុជាប្រកាសថា បានរកឃើញអ្នកឆ្លងជំងឺកូវីដ១៩ថ្មី ចំនួន ២នាក់បន្ថែមទៀត ខណៈអ្នកជាសះស្បើយថ្មី និងអ្នកស្លាប់ដោយសារជំងឺនេះមិនមានឡើយ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី១៩ ខែកុម្ភៈ បានឱ្យដឹងថា ក្រសួងបានរកឃើញអ្នកឆ្លងជំងឺកូវីដ១៩ ថ្មី ២នាក់បន្ថែមទៀតជាប្រភេទអូមីក្រុងទាំងអស់។ទាំង២នាក់នេះត្រូវបានរកឃើញមានកូវីដ១៩ក្នុងករណីស្នើសុំវិញ្ញាបនបត្រចេញទៅក្រៅប្រទេស។ ក្រសួងបញ្ជាក់ថា ក្នុងរបាយការណ៍ថ្ងៃនេះ មិនមានករណីជាសះស្បើយថ្មី និងមិនមានករណីស្លាប់ថ្មីនោះទេ។
គិតត្រឹមថ្ងៃទី១៩ ខែកុម្ភៈ ករណីឆ្លងជំងឺកូវីដ១៩ សរុបមានចំនួន ១៣៨ ៧០៨នាក់ ចំណែកករណីជាសះស្បើយសរុប ១៣៥ ៦៤៧នាក់ និងករណីស្លាប់សរុប ៣ ០៥៦នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៤៤នាក់ និងករណីអូមីក្រុងឆ្លងក្នុងសហគមន៍មាន១៦ ៨៨០នាក់៕