ភ្នំពេញៈ ក្រសួងសុខាភិបាលកម្ពុជាប្រកាសថាមិនមានរកឃើញអ្នកឆ្លងជំងឺកូវីដ ១៩ ថ្មីបន្ថែមទៀតនៅថ្ងៃនេះ ខណៈអ្នកជាសះស្បើយថ្មីមានម្នាក់ និងគ្មានអ្នកស្លាប់ដោយសារជំងឺនេះឡើយ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី ២០ ខែកុម្ភៈ បានឱ្យដឹងថា ក្រសួងមិនមានរកឃើញអ្នកឆ្លងជំងឺកូវីដ ១៩ ទេ ប៉ុន្តែមានអ្នកជាសះស្បើយថ្មីមានម្នាក់ និងមិមានករណីស្លាប់ថ្មីទេ។
គិតត្រឹមថ្ងៃទី២០ ខែកុម្ភៈ កម្ពុជាមានករណីឆ្លងជំងឺកូវីដ១៩ សរុបចំនួន ១៣៨ ៧០៨នាក់ ចំណែកករណីជាសះស្បើយសរុប ១៣៥ ៦៤៨ នាក់ និងករណីស្លាប់សរុប ៣ ០៥៦ នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៤៤នាក់ និងករណីអូមីក្រុងឆ្លងក្នុងសហគមន៍មាន ១៦ ៨៨០នាក់៕