ភ្នំពេញៈ​ ក្រសួង​សុខាភិ​បាល​កម្ពុជា​ប្រកាស​នៅ​ថ្ងៃ​នេះ​ថា ​កម្ពុជា​មិន​មាន​រក​ឃើញ​អ្នក​ឆ្លង​ជំងឺ​កូវីដ ​១៩ ថ្មី បន្ថែម​ទៀត​ទេ ​​​​​ប៉ុន្តែ​មាន​អ្នក​ជា​សះ​ស្បើយ​ថ្មី​ម្នាក់​ និង​គ្មាន​អ្នក​ស្លាប់​ដោយ​សារ​ជំងឺ​នេះ​ឡើយ​។

សេចក្តី​ប្រកាស​ព័ត៌​មាន​របស់​ក្រសួង​សុខាភិ​បាល​នៅ​ថ្ងៃទី​ ១៤​ ខែមីនា​ បាន​ឱ្យដឹង​ថា ក្រសួង​រក​មិន​ឃើញ​មាន​អ្នក​ឆ្លង​ជំងឺ​កូវីដ ​១៩ ថ្មី​ទេ ​ប៉ុន្តែ​មាន​អ្នក​ជា​សះ​ស្បើយ​ម្នាក់ ​និង​គ្មាន​អ្នក​ស្លាប់​ដោយ​សារ​ជំងឺ​នេះ​ទេ​។

គិត​ត្រឹម​ថ្ងៃទី​ ១៤​ ខែមីនា​ ករណី​ឆ្លង​ជំងឺ​កូ​វីដ​ ១៩​ សរុប​មាន​ចំនួន ​១៣៨ ៧២០ នាក់ ចំណែក​ករណី​ជាសះស្បើ​យ​សរុប ​១៣៥ ៦៦១ នាក់ និងករណី​ស្លាប់​សរុប ៣ ០៥៦ នាក់​។ រីឯ​ករណី​នាំចូល​ពី​ក្រៅ​ប្រទេស​សរុប​មាន​ចំនួន ២១ ២៤៤ នាក់ និង​ករណី​អូ​មី​ក្រុង​ឆ្លង​ក្នុង​សហ​គមន៍​មាន​ ១៦ ៨៩២ នាក់​៕