ភ្នំពេញៈ ក្រសួងសុខាភិបាលកម្ពុជាប្រកាសនៅថ្ងៃនេះថាកម្ពុជាមិនមានរកឃើញអ្នកឆ្លងជំងឺកូវីដ ១៩ និងអ្នកជាសះស្បើយ ព្រមទាំងគ្មានអ្នកស្លាប់ថ្មីនោះទេ។
សេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃទី ១៥ ខែមីនា បានឱ្យដឹងថា គិតត្រឹមថ្ងៃទី ១៥ ខែមីនា ករណីឆ្លងជំងឺកូវីដ ១៩ សរុបមានចំនួន ១៣៨ ៧២០ នាក់ ចំណែកករណីជាសះស្បើយសរុប ១៣៥ ៦៦១ នាក់ និងករណីស្លាប់សរុប ៣ ០៥៦ នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៤៤ នាក់ និងករណីអូមីក្រុងឆ្លងក្នុងសហគមន៍មាន ១៦ ៨៩២ នាក់៕