ភ្នំពេញៈ យ៉ាងហោចណាស់មានមនុស្សរហូតដល់ ៩ នាក់បានស្លាប់ ៧ នាក់រងរបួសធ្ងន់ និង ៣ នាក់រងរបួសស្រាល ដោយសារគ្រោះថ្នាក់ចរាចរណ៍ផ្លូវគោកទូទាំងប្រទេស នៅថ្ងៃទី ១៧ មីនា។
យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាន នគរបាលជាតិ នៅថ្ងៃទី១៧ ខែមីនា នេះបានបញ្ជាក់ថា គ្រោះថ្នាក់ចរាចរណ៍ ដែលបង្កឱ្យមានមនុស្សស្លាប់ និងរបួសសរុបចំនួន ១៩នាក់ នេះគឺកើតឡើងដោយសារការប៉ះទង្គិចគ្នាចំនួន ១១លើក ក្នុងនោះ មានមិនគោរពសិទ្ធិ ៥លើក ប្រជែងគ្រោះថ្នាក់ ១លើក និងបត់ក្នុងស្ថានភាពគ្រោះថ្នាក់ ៥លើក។
ចំណែកកាលពីថ្ងៃទី១៦ ខែមីនា គ្រោះថ្នាក់ចរាចរណ៍ទូទាំងប្រទេស បានបណ្តាលឱ្យមនុស្សស្លាប់ ២នាក់ របួសធ្ងន់ ៤នាក់ និងស្រាល ៥នាក់។
គ្រោះថ្នាក់ចរាចរណ៍ ដែលបានបណ្តាលឱ្យមានមនុស្សស្លាប់ និងរបួសសរុបចំនួន ១១នាក់ នៅថ្ងៃទី១៦មីនា គឺកើតឡើងដោយសារការប៉ះទង្គិចគ្នាចំនួន ៦លើក ក្នុងនោះមានបើកបរក្នុងល្បឿនលឿន២លើក មិនគោរពសិទ្ធិ ២លើក និងបត់ក្នុងស្ថានភាពគ្រោះថ្នាក់ចំនួន២លើក៕