ភ្នំពេញៈក្រសួងសុខាភិបាលប្រកាសថា កម្ពុជាគ្មានករណីឆ្លងថ្មី គ្មានករណីស្លាប់ថ្មី និងគ្មានករណីជាសះស្បើយថ្មីដោយជំងឺកូវីដ១៩ទេ នៅថ្ងៃទី២៧ ខែមីនា ឆ្នាំ២០២៣។
តាមសេចក្តីប្រកាសព័ត៌មានរបស់ក្រសួងសុខាភិបាលគិតត្រឹមថ្ងៃទី២៧ ខែមីនា ករណីឆ្លងជំងឺកូវីដ១៩សរុបមានចំនួន១៣៨ ៧២៣នាក់ ចំណែកករណីជាសះស្បើយសរុប១៣៥ ៦៦៥នាក់ និងករណីស្លាប់សរុប ៣០៥៦នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៤៥នាក់ និងករណីអូមីក្រុងឆ្លងក្នុងសហគមន៍មាន១៦ ៨៩៤នាក់៕