កំពតៈ លោក ជា សារ៉ន និងបក្ខពួកដែលបានឆបោកប្រជាពលរដ្ឋជាង ២ ពាន់គ្រួសារ ត្រូវបានចៅក្រមស៊ើបសួរនៃតុលាការខេត្តកំពតធ្វើការចោទប្រកាន់ពីបទឆបោកមានស្ថានទម្ងន់ទោស និងត្រូវបានបញ្ជូនដល់ពន្ធនាគារខេត្តកំពតនៅរសៀលថ្ងៃទី ២៧ ខែមេសា ហើយតុលាការនិងបន្តនីតិវិធីជាមួយតំណាងក្រុមហ៊ុនពាក់ព័ន្ធក្នុងការដោះស្រាយសំណងជូនប្រជាពលរដ្ឋ។ នេះបើយោងតាមស្នងការដ្ឋាននគរបាលខេត្តកំពត។
ដីកាបង្គាប់ឱ្យឃុំខ្លួនរបស់តុលាការខេត្តកំពតបានឱ្យដឹងថា ជនត្រូវចោទឈ្មោះ ជា សារ៉ន អាយុ ៣៨ ឆ្នាំ កម្រិតវប្បធម៌មធ្យមសិក្សាទុតិយភូមិ មុខរបរអគ្គនាយកក្រុមហ៊ុន ជាសារ៉ន រៀលធី និងមានទីកន្លែងកំណើត និងទីលំនៅបច្ចុប្បន្នក្នុងភូមិទួល ឃុំល្បើក ស្រុកឈូក ខេត្តកំពត។
ជនត្រូវចោទជា សារ៉នត្រូវបានដាក់ឱ្យស្ថិតនៅក្រោមការពិនិត្យពីបទឆបោកមានស្ថានទម្ងន់ទោស ប្រព្រឹត្តនៅភូមិបឹងនិមល និងភូមិត្រពាំងបី ស្រុកឈូក ខេត្តកំពត និងភូមិព្រៃវែង ឃុំស្រែក្នុង ស្រុកជុំគិរី ខេត្តកំពត ចាប់ពីថ្ងៃទី ៨ ខែសីហា ឆ្នាំ ២០១៨ រហូតដល់បច្ចុប្បន្ន បទល្មើសមានចែង និងបញ្ញត្តឱ្យផ្តន្ទាទោសតាមមាត្រា ៣៧៧ និងមាត្រា ៣៨០ នៃក្រម ព្រហ្មទណ្ឌ៕
.jpg)
