ភ្នំពេញៈ ក្រសួងសុខាភិបាលកម្ពុជាប្រកាសនៅថ្ងៃទី ១៥ ខែឧសភាថា មិនមានករណីជាសះស្បើយថ្មី មិនមានករណីឆ្លងថ្មី និងមិនមានអ្នកស្លាប់ដោយសារជំងឺកូវីដ ១៩ ទេ។
តាមសេចក្តីជូនព័ត៌មានរបស់ក្រសួងសុខាភិបាល គិតត្រឹមថ្ងៃទី ១៥ ខែឧសភា ឆ្នាំ ២០២៣ ករណីឆ្លងជំងឺកូវីដ ១៩ សរុបមានចំនួន ១៣៨ ៧៣៦ នាក់ ចំណែកករណីជាសះស្បើយសរុប ១៣៥ ៦៧៩ នាក់ និងករណីស្លាប់សរុប ៣ ០៥៦ នាក់។ រីឯករណីនាំចូលពីក្រៅប្រទេសសរុបមានចំនួន ២១ ២៤៦ នាក់ និងករណីអូមីក្រុងឆ្លងក្នុងសហគមន៍មាន ១៦ ៩០៦ នាក់៕