កំពង់ស្ពឺៈ ត្រីនៅក្នុងស្ទឹងព្រែកត្នោតក្នុងខេត្តកំពង់ស្ពឺ បានងាប់នៅព្រឹកថ្ងៃទី ១៩ ខែឧសភានេះ ប៉ុន្តែអាជ្ញាធរ និងមន្ត្រីជំនាញនៅមិនទាន់បានបញ្ជាក់ពីមូលហេតុនៃការពុលនៅឡើយទេ។ នេះបើយោងតាមមន្ទីរព័ត៌មានខេត្តកំពង់ស្ពឺ។
ក្រោយពីមានហេតុការណ៍ត្រីងាប់នេះ មានប្រជាពលរដ្ឋមួយចំនួនបានទៅនេសាទត្រីក្នុងស្ទឹងនេះ។ ពលរដ្ឋជាច្រើននាក់ ខ្លះកាន់សំណាញ់ ខ្លះកាន់ស្នរ និងខ្លះកាន់កញ្ច្រែង ដើម្បីចាប់ត្រី ហើយពួកគាត់បានឱ្យដឹងថា ពួកគាត់បាននាំគ្នាមកចាប់ត្រី ព្រោះត្រីក្នុងស្ទឹងបានពុលទឹក។ នេះជាឆ្នាំទី២ហើយដែលត្រីក្នុងស្ទឹងនេះបានពុល។ ប្រជាពលរដ្ឋជាអ្នកនេសាទចាប់បានយ៉ាងច្រើនក្នុងម្នាក់ៗ។
មន្ទីរព័ត៌មានខេត្តកំពង់ស្ពឺបានបញ្ជាក់ថា មន្ត្រីជំនាញពាក់ព័ន្ធកំពុងចុះទៅពិនិត្យសិក្សាស្រាវជ្រាវពីករណីនេះហើយដែរ៕
.jpg)
