ភ្នំពេញៈ ក្រសួងសុខាភិបាលបានប្រកាសរកឃើញករណីឆ្លងមេរោគកូវីដ ១៩ ថ្មី ៦ នាក់បន្ថែមទៀត រីឯអ្នកទើបជាសះស្បើយមានម្នាក់ តែគ្មានអ្នកស្លាប់ថ្មីទេ។
យោងតាមសេចក្តីប្រកាសរបស់ក្រសួងសុខាភិបាលអ្នកឆ្លងមេរោគកូវីដ ១៩ សម្រាប់ថ្ងៃទី ៥ ខែមិថុនា កម្ពុជាបានរកឃើញករណីឆ្លងមេរោគកូវីដ ១៩ ក្នុងសហគមន៍ចំនួន ៦ ករណីបន្ថែម និងមានអ្នកជាសះស្បើយពីជំងឺនេះចំនួន ១ នាក់។
គិតត្រឹមព្រឹកថ្ងៃទី ៦ ខែមិថុនា កម្ពុជាមានអត្រាឆ្លងមេរោគកូវីដ ១៩ សរុបចំនួន ១៣៨ ៨១៣ នាក់ អ្នកជាសះស្បើយសរុបចំនួន ១៣៥ ៧១៧ នាក់ និងអ្នកស្លាប់ចំនួន ៣ ០៥៦ នាក់៕