កោះកុងៈ ក្រសួង​បរិស្ថាន បានឱ្យដឹង​ថា ប្រជាពលរដ្ឋ​ចំនួន ៣២៧ គ្រួសារ នៃសហគមន៍​តំបន់​ការពារ​ធម្មជាតិ​ភ្នំទ័ពជាង ក្នុងឃុំ​ដងពែង ស្រុក​ស្រែអំបិល ខេត្ត​កោះកុង មានជីវភាព​កាន់តែ​ល្អប្រសើរ តាមរយៈ​ការប្រមូល​ផល-អនុផល​ព្រៃឈើ​ប្រកបដោយ​ចីរភាព។

បើតាម​ក្រសួង​បរិស្ថាន ផល​និងអនុផលព្រៃឈើ​ទាំងនោះ មានដូចជា​ការប្រមូល​ផល​លក់( ផ្លែគុយ ឫស្សីស្រស់ ផ្តៅស្រស់ ផ្សិត​ប៉ក់ ទឹកឃ្មុំ រុក្ខជាតិ​ឱសថ...) និងការកែច្នៃ​ផល​ឫស្សី​ជាសម្ភារ​ប្រើប្រាស់​ផ្សេងៗ។

ក្រៅពីនេះ មានការផ្តល់​សេវា​អេកូទេស​ចរណ៍ (បោះតង់ ជូនភ្ញៀវ ម្ហូបអាហារ និងកញ្ចុះកម្សាន្ត) រួមទាំងការ​បណ្តុះ​កូនឈើ​ផ្សេងៗ ដូចជា​ផ្តៅ កូនឫស្សី និង កូនច័ន្ទ​គ្រឹះស្នា​ជាដើម៕