ភ្នំពេញៈ ក្នុងរយៈពេល ២ថ្ងៃ គឺនៅថ្ងៃទី ១៣ និងថ្ងៃ១៤ ខែកក្កដា គ្រោះថ្នាក់ចរាចរណ៍នៅទូទាំងប្រទេសបានបណ្តាលឱ្យមនុស្សស្លាប់យ៉ាងហោចណាស់ ៨នាក់ និងរងរបួសធ្ងន់ ស្រាលចំនួន ១៨នាក់។ នេះបើយោងតាមអគ្គស្នងការដ្ឋាននគរបាលជាតិ។
នៅថ្ងៃទី ១៤ ខែកក្កដានេះ គ្រោះថ្នាក់ចរាចរណ៍ផ្លូវគោកទូទាំងប្រទេសបានបណ្តាលឱ្យមនុស្សស្លាប់ ៥នាក់ របួសធ្ងន់ ៨នាក់ និងស្រាល ២នាក់។
យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ចេញដោយនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី១៤ ខែកក្កដា បានបញ្ជាក់ថា គ្រោះថ្នាក់ដែលបង្កឱ្យមានមនុស្សស្លាប់ និងរបួសសរុបចំនួន ១៥នាក់នេះ គឺកើតឡើងដោយសារការប៉ះទង្គិចគ្នាចំនួន ៩លើក មានកត្តាល្បឿន ១លើក មិនគោរពសិទ្ធិ ៣លើក មិនប្រកាន់ស្តាំ ៣លើក និងប្រជែងគ្រោះក្នុងស្ថានភាពគ្រោះថ្នាក់ ២លើក។
ចំណែកកាលពីថ្ងៃទី ១៣ ខែកក្កដា គ្រោះថ្នាក់ចរាចរណ៍ផ្លូវគោកទូទាំងប្រទេសបានបណ្តាលឱ្យមនុស្សស្លាប់ ៣នាក់ របួសធ្ងន់ ៥នាក់ និងស្រាល ៣នាក់។
គ្រោះថ្នាក់ចរាចរណ៍ ដែលបង្កឱ្យមានមនុស្សស្លាប់ និងរបួសសរុបចំនួន ១១នាក់នេះ គឺកើតឡើងដោយសារការប៉ះទង្គិច គ្នាចំនួន ៦លើក មានកត្តាល្បឿន ៤លើក មិនគោរពសិទ្ធ ១លើក និងភ្លើងសញ្ញា ១លើក៕
.jpg)
