មន្ត្រីជំនាញពាក់ព័ន្ធពេលចុះដោះស្រាយវិវាទដីធ្លីជូនពលរដ្ឋ កាលពីខែមិថុនា។ រូបថត រដ្ឋបាលខេត្តបាត់ដំបង
បាត់ដំបងៈ រដ្ឋបាលខេត្តបាត់ដំបង បានប្រកាសឱ្យដឹងថា នៅក្នុងខែមិថុនា ឆ្នាំ ២០២៣ នេះ រដ្ឋបាលខេត្តបាត់ដំបង បានទទួលដោះស្រាយវិវាទក្រៅប្រព័ន្ធតុលាការ ដែលភាគច្រើនជាទំនាស់ដីធ្លី និងទំនាស់រំលោភទំនុកចិត្តបានចំនួន ២៦ករណី ក្នុងនោះ បានដោះស្រាយរួចរាល់ជាស្ថាពរចំនួន ១៨ករណី និងកំពុងបន្តដោះស្រាយចំនួន ៨ករណី។
ជាមួយគ្នានេះ បើគិតចាប់ពីខែតុលា ឆ្នាំ ២០២២ មកដល់ចុងខែមិថុនា ឆ្នាំ ២០២៣ នេះ រដ្ឋបាលខេត្តបាត់ដំបង បានសម្រុះសម្រួលដោះស្រាយបញ្ចប់នូវវិវាទ ជូនប្រជាពលរដ្ឋបានចំនួនសរុប ១៥៨ ករណី និងមានផែនការបន្តដោះស្រាយករណីវិវាទ បណ្ដឹងនានាជាបន្តបន្ទាប់ទៀត៕
.jpg)
