ទិដ្ឋភាពនៃការៀបចំពិធីបុណ្យសពយុទ្ធជនពលីការពារបូរណភាពទឹកដីលោក សួន រោន អាយុ៤៨ឆ្នាំ មានទីលំនៅក្នុងភូមិកំពេញ ឃុំយាង ស្រុកជាំក្សាន្ត។ រូបថត មន្ទីរព័ត៌មានខេត្ដព្រះវិហារ
ព្រះវិហារ៖ អាជ្ញាធរខេត្ដព្រះវិហារ ដែលដឹកនាំដោយលោកអភិបាលរងខេត្ដ គឹម ចាន់បញ្ញា បានចុះទៅកាន់ផ្ទះសពសពយុទ្ធជន ឈ្មោះ សួន រោន អាយុ៤៨ឆ្នាំ មានទីលំនៅក្នុងភូមិកំពេញ ឃុំយាង ស្រុកជាំក្សាន្ត និងបានរំលែកទុក្ខដ៏ក្រៀមក្រំជាមួយគ្រួសារសព។
យោងតាមមន្ទីរព័ត៌មានខេត្ដព្រះវិហារបានឱ្យដឹងថា៖ «នៅក្នុងឱកាសដ៏ក្រៀមក្រំនេះ លោក គឹម ចាន់បញ្ញា បានសម្តែងនូវការសោកស្តាយយ៉ាងក្រៃលែងចំពោះការបាត់បង់វីរៈបុរសដ៏អង់អាចក្លាហាន ដែលបានលះបង់ជីវិតដើម្បីជាតិមាតុភូមិ»។
លោក សួន រោន ឈរជើងនៅតំបន់ព្រំដែនចំណុចមុំបី បានបាត់បង់ជីវិតក្នុងការផ្ទុះអាវុធជាមួយទាហានថៃកាលពីព្រឹកថ្ងៃទី២៨ ខែឧសភានេះ។
ក្រសួងការពារជាតិបញ្ជាក់ថា ភាគីថៃជាអ្នកធ្វើការបាញ់ប្រហារមុន មកលើលេណដ្ឋាន ដែលជាទីតាំងឈរជើងរបស់កងទ័ពកម្ពុជា ជាយូរលង់ណាស់មកហើយ បណ្ដាលឲ្យបាត់បង់កងទ័ពយើងម្នាក់៕
លោកអភិបាលរងខេត្ដ គឹម ចាន់បញ្ញា បានចុះទៅកាន់ផ្ទះសពសពយុទ្ធជន និងសម្តែងនូវការសោកស្តាយយ៉ាងក្រៃលែងចំពោះការបាត់បង់វីរៈបុរសកម្ពុជា។ រូបថត មន្ទីរព័ត៌មានខេត្ដព្រះវិហារ
.jpg)
