The Phnom Penh Post Search

Search form




Logo of Phnom Penh Post newspaper Phnom Penh Post - ដំណោះស្រាយ​ប្រកប​ដោយ​ភាព​ច្នៃប្រឌិត​របស់​ក្រុមហ៊ុន Seara Cambodia ជួយ​ពង្រឹង​ផ្នែក​កាយសម្បទា​នៅក្នុង​ប្រទេស​កម្ពុជា

ដំណោះស្រាយ​ប្រកប​ដោយ​ភាព​ច្នៃប្រឌិត​របស់​ក្រុមហ៊ុន Seara Cambodia ជួយ​ពង្រឹង​ផ្នែក​កាយសម្បទា​នៅក្នុង​ប្រទេស​កម្ពុជា

Content image - Phnom Penh Post
ការិយាល័យ​ និង​សាល​តាំង​បង្ហាញ​របស់ Seara Cambodia នៅ​ជិត​វិមានឯករាជ្យ​។

ដំណោះស្រាយ​ប្រកប​ដោយ​ភាព​ច្នៃប្រឌិត​របស់​ក្រុមហ៊ុន Seara Cambodia ជួយ​ពង្រឹង​ផ្នែក​កាយសម្បទា​នៅក្នុង​ប្រទេស​កម្ពុជា

Content image - Phnom Penh Post

លោក Anthony S Gaglardi អ្នកគ្រប់គ្រង​ក្រុមហ៊ុន Seara Cambodia គូសបញ្ជាក់​អំពី​ភាពជោគជ័យ​របស់​ក្រុមហ៊ុន​ផ្គត់ផ្គង់​ឧបករណ៍​ហាត់ប្រាណ និង​សម្ភារ​កីឡា​ឈានមុខ​គេ​ក្នុង​តំបន់​មួយ​នេះ និង​ចែករំលែក​ផែនការ​របស់ខ្លួន​ក្នុង​ការពង្រីក​ទីផ្សារ​សម្ភារ​ហាត់ប្រាណ​ដែល​កំពុងតែ​រីកចម្រើន​នៅ​កម្ពុជា​។

តើ​ក្រុមហ៊ុន Seara ចាប់ផ្ដើម​នៅពេលណា និង​នៅទីណា​?

ក្រុមហ៊ុន Sports Engineering And Recreation Asia Ltd (Seara) ត្រូវបាន​បង្កើតឡើង​ក្នុង​ខែធ្នូ ឆ្នាំ​ ១៩៩៩ ដោយ​លោក George Foose, Patrick Dean និង Ken Stevens​។ មាន​ស្នាក់ការ​កណ្តាល​នៅ​ទីក្រុង​បាងកក យើង​មាន​ការិយាល័យ សាខា និង​សាល​តាំង​បង្ហាញ​ជាច្រើន​កន្លែង​នៅ​អាស៊ីអាគ្នេយ៍ ដើម្បី​ផ្តត់ផ្គង់​សម្ភារ​ហាត់ប្រាណ​ និង​កីឡា​។

តើ​ក្រុមហ៊ុន Seara ផ្គត់ផ្គង់​សេវាកម្ម​អ្វីខ្លះ​?

Seara គឺជា​ក្រុមហ៊ុន​ឈានមុខ​មួយ​ក្នុង​តំបន់​ដែលមាន​ឯកទេស​ខាង​ការរចនា អភិវឌ្ឍ ផ្គត់ផ្គង់ និង​ដំឡើង​សម្ភារ​កីឡា កន្លែង​ហាត់ប្រាណ ស្តង់ដា​អន្តរជាតិ នៅក្នុង​តំបន់​អាស៊ីអាគ្នេយ៍ និង​មាន​ជាច្រើន​ទៀត​។ យើង​ផ្តល់នូវ​ផលិតផល​ និង​សេវាកម្ម​គុណភាព​ខ្ពស់​ដល់​ផ្នែក​ជាច្រើន​នៅលើ​ទីផ្សារ រួមមាន​នៅតាម​គេហដ្ឋាន​លក្ខណៈ​ឯកជន កន្លែង​ហាត់ប្រាណ ក្លិប​ឯកជន ស្ថាប័ន​អប់រំ សណ្ឋាគារ រមណីយដ្ឋាន គម្រោង​អភិវឌ្ឍន៍​អចលនទ្រព្យ អតិថិជន​ផ្នែក​ពាណិជ្ជកម្ម និង រដ្ឋាភិបាល​ជាដើម​។ នៅក្នុង​បណ្តាញ​សាជីវកម្ម​របស់ Seara យើង​មាន​ម៉ាក​យីហោ​ឧបករណ៍​កីឡា​ឈានមុខ​គេ​ល្បីៗ ដូចជា Life Fitness, Hammer Strength, ICG, Octane Fitness, Balanced Body, Escape Fitness, True Fitness, Power Plate, Icaros, Brunswick, Concept2, Kompan, MyEquilibria, Evolt 360, MyZone, Act Global, Laykold, Rephouse និង​មាន​ច្រើន​ទៀត​។

តើ​ក្រុមហ៊ុន​បើក​នៅ​កម្ពុជា​ក្នុង​ឆ្នាំ​ណា​?

ការិយាល័យ និង​សាល​តាំង​បង្ហាញ​នៅ​ទីក្រុង​ភ្នំពេញ​របស់​យើង​បាន​បើក​ប្រតិបត្តិការ​នៅ​ថ្ងៃទី ​៥ ខែកក្កដា ឆ្នាំ​ ២០១៣ ហើយ​ទីតាំង​បច្ចុប្បន្ន​របស់​យើង​នៅ​ជិត​វិមានឯករាជ្យ គិត​ត្រឹម​ខែធ្នូ ឆ្នាំ​ ២០២០​។ បច្ចុប្បន្ន Seara មាន​ប្រតិបត្តិការ​នៅក្នុង​ប្រទេសមួយ​ចំនួន​ដូចជា កម្ពុជា ថៃ វៀតណាម
មីយ៉ាន់ម៉ា ឡាវ ប៊ូតង់ បង់ក្លាដែស និង​ម៉ាល់ឌីវ​។ នៅ​ប្រទេស​ថៃ យើង​មាន​ការិយាល័យ និង​សាល​តាំង​បង្ហាញ​នៅ​ទីក្រុង​បាងកក ភូកេត ប៉ាតាយ៉ា ​ហួហ៊ីន សាមុយ និង​ហាតយ៉ៃ​។

តើ​អ្វី​ជា​អាថ៌កំបាំង​នៃ​ជោគជ័យ​របស់ Seara និង​ការពង្រីក​នៅក្នុង​តំបន់​?

កត្តា​សំខាន់​មួយ​ដែល​រួមចំណែក​ដល់​ភាពជោគជ័យ​របស់ Seara គឺ​សមាជិក​ក្រុម​ដែលមាន​ជំនាញ​វិជ្ជាជីវៈ និង​ការខិតខំ​ប្រឹងប្រែង​ជា​រៀងរាល់ថ្ងៃ ដើម្បី​បម្រើ​អតិថិជន​ឱ្យ​អស់ពី​សមត្ថភាព​របស់​ពួកគេ​។ បណ្តាញ​អតិថិជន និង​ដៃគូ​ដ៏រឹងមាំ​របស់​យើង​គឺ​ដើរតួ​ជា​ផ្នែក​ដ៏សំខាន់​នៃ​កត្តា​ជោគជ័យ​របស់​យើង​។ ប្រសិនបើ​គ្មាន​ការជឿជាក់ និង​ការគាំទ្រ​ឥត​ងាករេ​របស់​ពួកគេ​ចំពោះ​ក្រុមហ៊ុន Seara ដែល​ផ្តល់ជូន​នូវ​ម៉ាក​យីហោ​ឈានមុខ​គេ​លើ​ពិភពលោក​ទេ នោះ​យើង​នឹង​មិនអាច​សម្រេចបាន​​សមិទ្ធផល​ដូច​សព្វថ្ងៃនេះ​ទេ​។ ភាពជា​ដៃគូ​ដ៏រឹងមាំ​របស់​យើង គួបផ្សំ​នឹង​ការយល់ដឹង​អំពី​អំពី​ឧស្សាហកម្ម​នេះ អនុញ្ញាត​ឱ្យ Seara ក្លាយជា​ក្រុមហ៊ុន​ឈានមុខ​ក្នុង​ឧស្សាហកម្ម​នេះ ដែល​តែងតែ​ផ្គត់ផ្គង់​អ្វីៗ​ដែល​ថ្មី និង​មាន​ការច្នៃប្រឌិត​ខ្ពស់​នៅក្នុង​ទីផ្សារ​។

សូម​លោក​រៀបរាប់​ត្រួសៗ​អំពី​គំរូ​អាជីវកម្ម​របស់លោក​។

Content image - Phnom Penh Post
លោក Anthony S Gaglardi

អ្វីដែល​ធ្វើឱ្យ Seara មាន​លក្ខណៈ ពិសេស​គឺ​វិធីសាស្ត្រ​ប្រឹក្សា​យោបល់​របស់​យើង​ចំពោះ​គម្រោង​នីមួយៗ​មិនមែន​ផ្តោត​តែ​លើ​ការលក់​ ១ ​មុខ​ប៉ុណ្ណោះ​ទេ​។ បទពិសោធ​ជាច្រើន​ឆ្នាំ​របស់​យើង​នៅក្នុង​តំបន់​ដែល​ផ្គត់ផ្គង់​ឧបករណ៍​ហាត់ប្រាណ​ និង​សម្ភារ​កីឡា​គឺ​ពិតជា​ធ្វើឱ្យ Seara មាន​លក្ខណ​ពិសេស ខណៈ​យើង​ផ្តល់នូវ​ដំណោះស្រាយ​ពេញលេញ​សម្រាប់​កន្លែង​ហាត់ប្រាណ ឬ​កន្លែង​លេង​កីឡា​កម្រិត​ខ្ពស់​រាប់​ចាប់ពី​ការរចនា និង​ផ្គត់ផ្គង់​សម្ភារ​ដែលមាន​គុណភាព​ខ្ពស់​រួម​ជាមួយ​នឹង​សេវាកម្ម​នៅក្រោយ​ការលក់​​ដ៏រឹងមាំ​។

តើ​ទីផ្សារ​សម្ភារ​កីឡា​នៅ​កម្ពុជា​/​តំបន់​មាន​ទំហំ​ប៉ុនណា​?

ឧស្សាហកម្ម​សម្ភារ​កីឡា​ និង​ហាត់ប្រាណ​នៅ​កម្ពុជា នៅ​ក្មេងខ្ចី​នៅឡើយ ជាពិសេស​បើ​ធៀប​នឹង​ប្រទេស​ជិតខាង ដូចជា​ប្រទេស​ថៃ និង​វៀតណាម​។ ទោះយ៉ាងណា វា​គួរឱ្យ​ចាប់អារម្មណ៍​ដែលថា​ចំណូល​ប្រចាំឆ្នាំ​នៃ​ឧស្សាហកម្ម​ហាត់ប្រាណ​នៅក្នុង​ប្រទេស​ថៃ​ត្រូវបាន​រាយការណ៍​នៅក្នុង​ការសិក្សា​ដោយ Statista ២០២០ ថា​មាន​ចំនួន​ប្រហែល ៥០ ​លាន​ដុល្លារ ខណៈ​ទំហំ​ទីផ្សារ​ឧស្សាហកម្ម​ឧបករណ៍​ហាត់ប្រាណ​របស់​វៀតណាម​ក្នុង​ឆ្នាំ​ ២០២០ មាន​ចំនួន​១៨៦ ​លាន​ដុល្លារ នេះ​បើ​យោងតាម​របាយការណ៍ Statista ដូចគ្នា​។

ក្នុង​ឆ្នាំ​ ២០១៩, Nikkei Asia បាន​រាយការណ៍​ថា យោងតាម​ក្រុមហ៊ុន​ស្រាវជ្រាវ Euromonitor របស់​ចក្រភព​អង់គ្លេស​បានឱ្យដឹងថា​ទីផ្សារ​ទាក់ទង​នឹង​សុខភាព​នៅ​ប្រទេស​កម្ពុជា​ត្រូវបាន​គេ​ប៉ាន់​ស្មានថា​នឹង​កើនឡើង​ដល់​ជាង ៤៦០ ​លាន​ដុល្លារ នៅ​ឆ្នាំ​ ២០២៣​។

តើ​អ្វី​ទៅជា​គោលដៅ​របស់ Seara ហើយ​តើ​មាន​ផែនការអភិវឌ្ឍន៍​អ្វី​ខ្លះទៀត​ដែរឬទេ​?

យើង​ចង់​ជួយ​អភិវឌ្ឍ​ផ្នែក​កាយសម្បទា និង​កីឡា​សម្រាប់​ប្រទេស​កម្ពុជា ខណៈ​ជំងឺ​រាតត្បាត​បានធ្វើឱ្យ​ពិភពលោក​ដឹង​អំពី​សារៈសំខាន់​នៃ​សុខភាព​ និង​កាយសម្បទា​ផ្ទាល់ខ្លួន​។ យើង​ដើរតួនាទី​យ៉ាងសំខាន់​នៅក្នុង​ការលើកកម្ពស់​សហគមន៍​របស់​យើង​ឱ្យ​កាន់​តែមាន​មាន​សុខភាព​ល្អ និង​កាន់តែ​សកម្ម​។

នៅក្នុង​ឆ្នាំ​ ២០២០ យើង​បាន​ជួយ​សម្រួល ផ្គត់ផ្គង់ និង​ដំឡើង​ឧបករណ៍​ហាត់ប្រាណ​លំដាប់​ខ្ពស់ សម្រាប់​សណ្ឋាគារ Hyatt Regency ក្នុង​រាជធានី​ភ្នំពេញ​។ នៅ​ឆ្នាំ​ ២០២១ ក្រុមការងារ​របស់​យើង​បាន​សហការ​ជាមួយ Go Gym Cambodia លើ​មជ្ឈមណ្ឌល​ហាត់ប្រាណ​បែប​ពាណិជ្ជកម្ម​ដ៏ទំនើប​របស់​ពួកគេ​នៅ​ទួលគោក ហើយក៏​បាន​ជួយ​អតិថិជន​របស់​យើង​នៅ Premium Fitness ដើម្បី​បង្កើត​កន្លែង​ហាត់ប្រាណ Official Hammer Strength Training Center ដំបូងបង្អស់​នៅ​កម្ពុជា​។ កាលពី​ឆ្នាំមុន Seara ក៏បាន​សាងសង់​ទីលាន​វាយ​កូន​បាល់​ចំនួន ​២ និង​ទីលាន​បាល់បោះ​មួយ​សម្រាប់​សាកល​វិទ្យាល័យ​អាមេរិកាំង​ភ្នំពេញ (AUPP) ដែល​ទីលាន​មួយ​ក្នុងចំណោម ​២ ត្រូវបាន​សាងសង់​តាម​ស្តង់ដា Australian Open​។ យើង​នឹង​ណែនាំ​ផលិតផល​ថ្មី​ពី​ដៃគូ​ជា​សាកល​របស់​យើង​នៅក្នុង​ប៉ុន្មាន​ខែ​ខាងមុខ ខណៈ​ផ្នែក​កាយសម្បទា​នៅតែ​បន្ត​វិវឌ្ឍ​ទៅមុខ​។

យើង​ប្តេជ្ញា​ផ្តល់នូវ​ដំណោះស្រាយ​ដល់​ផ្នែក​កីឡា និង​ហាត់ប្រាណ​ពី​ផលិតផល​នៃ​ម៉ាក​ល្បីៗ​របស់​ពិភពលោក ដែល​ភ្ជាប់​ជាមួយ​នឹង​សេវាកម្ម​បន្ទាប់ពី​ការលក់​ដ៏ល្អ​បំផុត​នៅក្នុង​ទីផ្សារ​។ ជាពិសេស ដើម្បី​ខិត​ឱ្យ​កាន់តែ​ជិត​ជាមួយ​អតិថិជន យើង​នឹង​បើក​ដំណើរការ​គេហទំព័រ​ពាណិជ្ជកម្ម​អេឡិចត្រូនិក​ថ្មី​ក្នុងពេល​ឆាប់ៗ ដែល​មានន័យថា ការទទួល​បាន​ឧបករណ៍​ និង​សម្ភារ​ហាត់ប្រាណ​ដែល​លោកអ្នក​ពេញចិត្ត និង​ត្រូវបាន​បញ្ជូន​ទៅដល់​មាត់ទ្វារ​ផ្ទះ​របស់​លោកអ្នក ដោយ​គ្រាន់តែ​ចុច​ ២-៣​ ដង​ប៉ុណ្ណោះ​។ ក្រុមហ៊ុន Seara មានបំណង​ចង់​ក្លាយជា​ជម្រើស​ដែល​លោកអ្នក​ពេញចិត្ត​សម្រាប់​ឧបករណ៍​ហាត់ប្រាណ​ប្រកប​ដោយ​គុណភាព​ខ្ពស់​នៅក្នុង​ប្រទេស​កម្ពុជា​៕

អត្ថបទគួរចាប់អារម្មណ៍