The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​សិស្ស​ពូកែ​សាលា​ហ្សាម៉ាន់ បាន​និទ្ទេស A ច្រើន​នា​សម័យ​ប្រឡង​សញ្ញាបត្រ​ទុតិយ​ភូមិ​ឆ្នាំ​នេះ

ក្រុម​សិស្ស​ពូកែ​សាលា​ហ្សាម៉ាន់ បាន​និទ្ទេស A ច្រើន​នា​សម័យ​ប្រឡង​សញ្ញាបត្រ​ទុតិយ​ភូមិ​ឆ្នាំ​នេះ

Content image - Phnom Penh Post

ក្រុម​សិស្ស​ពូកែ​សាលា​ហ្សាម៉ាន់ បាន​និទ្ទេស A ច្រើន​នា​សម័យ​ប្រឡង​សញ្ញាបត្រ​ទុតិយ​ភូមិ​ឆ្នាំ​នេះ

សាលា​អន្តរជាតិ​ហ្សាម៉ាន់ ទទួល​បាន​ជោគជ័យ​ជាថ្មី​ម្តង​ទៀត​លើ​ស្តង់ដារ​អប់រំ ក្រោយ​ពេល​ដែល​សិស្ស​ថ្នាក់​ទី​ ១២ ឆ្នាំ​សិក្សា ​២០១៦-១៧ បាន​ប្រឡង​ ជាប់​និទ្ទេសA ច្រើន​នា​សម័យ​ប្រឡង​ឆ្នាំ​នេះ​។

ចំនួន​សិស្ស​ដែល​បាន​ទទួល​ចំណាត់​ថ្នាក់​កំពូល​ដ៏​ច្រើន​នេះ មាន​ន័យ​ថា សាលា​នេះ​ជាប់​ក្នុង​តារាង​សាលា​កំពូលៗ​ទាំង​ ៤ ដែល​មាន​សិស្ស​ទទួល​បាន​និទ្ទេស ​A ច្រើន និង​ជាប់​ចំណាត់​ថ្នាក់​លេខ​ ១ សម្រាប់​សាលា ​​មាន​សិស្ស​ដែល​បាន​ទទួល​ចំណាត់​ថ្នាក់​ល្អ​នេះ។

នាយក​សាលា​អន្តរជាតិ​ហ្សាម៉ាន់ លោក Gurkan ត្រូវ​បាន​អញ្ជើញ​ឲ្យ​ចូលរួម​ជួប​ឯកឧត្តម ហង់​ជួន ណារ៉ុន កាលពី​ថ្ងៃ​សុក្រ ទី​៥ ខែតុលា និង​បានទទួល​វិញ្ញាបន​បត្រ​សរសើរ​ជំនួស​មុខ​ឲ្យ​ភាព​ជោគជ័យ​របស់​សិស្សានុសិស្ស​របស់​ខ្លួន​។

នៅ​ថ្ងៃ​សៅរ៍ (​ថ្ងៃទី​១៤ ខែ​តុលា​) សិស្សានុសិស្ស​ដែល​បាន​ទទួល​ចំណាត់​ថ្នាក់​កំពូលៗ​ទាំង​នេះ នឹង​ត្រូវ​បាន​អញ្ជើញ​ឲ្យ​ចូលជួប​សម្តេច​នាយក​រដ្ឋ​មន្ត្រី ហ៊ុន សែន នៅ​ខុទ្ទការល័យ​របស់​សម្តេច​ផ្ទាល់ ដែល​សម្តេច​នឹង​ចូលរួម​អបអរសាទរ​ដល់​ការ​ខិតខំ​ប្រឹងប្រែង​របស់​សិស្ស​ទាំង​អស់ និង​លើក​ទឹក​ចិត្ត​ពួក​គេ​ឲ្យ​ខិតខំ​បន្ត​នៅ​កម្រិត​ឧត្តម​សិក្សា និង​អាជីព​ទៅ​ថ្ងៃ​អនាគត​របស់​ពួក​ខ្លួន​។

សាលា​ហ្សាម៉ាន់​ផ្ទាល់​ក៏​បាន​ផ្តល់​ពាន​រង្វាន់​ដល់​សិស្ស​របស់​ខ្លួន​នៅ​ថ្ងៃទី​៧ ខែ​តុលា កន្លង​មក​នេះ​ដែរ នៅ​ពេល​ដែល​សាលា​បាន​អញ្ជើញ​សិស្ស​ទាំង​១៣​នាក់ ឲ្យ​ចូលរួម​ជាមួយ​សិស្ស​១០​រូប​ទៀត ដែល​បាន​ទទួល​ពិន្ទុ​ខ្ពស់ៗ​ក្នុង​ការ​ប្រឡង​ផ្សេងៗ​ទៀត​។

ពួក​គេ​ត្រូវ​បាន​អញ្ជើញ​ឲ្យ​ចូលរួម​ក្នុង​ពិធី​ប្រគល់​រង្វាន់​ដែល​ធ្វើ​ឡើង​នៅ​សាកល​វិទ្យាល័យ​ហ្សាម៉ាន់ ដែល​ពួក​គេ​បាន​ឡើង​ទៅ​លើ​ឆាក​ដើម្បី​ទទួល​ពាន​រង្វាន់​អាហារូបករណ៍​សិក្សា​សម្រាប់​ការ​ខិតខំ​ប្រឹងប្រែង​របស់​ខ្លួន​។ ការ​ប្រឡង​ផ្សេងៗ​ទៀត ដែល​បានផ្តល់​រង្វាន់​បញ្ចុះ​តម្លៃ​ថ្លៃ​សិក្សា​គឺ SmartExams និង CambridgeExams​។

សាលា​ហ្សា​ម៉ាន់​មាន​ការ​ប្តេជ្ញា​ខ្ពស់​ក្នុង​ការផ្តល់​រង្វាន់​លើក​ទឹក​ចិត្ត​ទៅ​ដល់​សិស្សានុសិស្ស​ទាំង-​ឡាយណា​ដែល​បានទទួល​ពិន្ទុ​ខ្ពស់​ក្នុងការ​សិក្សា​របស់​ពួកគេ ក៏ដូចជា​ការផ្តល់​អាហារូប​ករណ៍​សម្រាប់​សិស្ស​ដែល​បានទទួល​ពិន្ទុ​ខ្ពស់ៗ​បំផុត​ក្នុង​កម្រិត AS និង A, Primary Checkpoint Exams, IGCSEs និង Secondary Checkpoint Exams​។

Content image - Phnom Penh Post

សាលា​តែងតែ​ធានាថា សិស្ស​ដែល​​​បាន​ខិតខំ​ប្រឹងប្រែង​ក្នុងការ​សិក្សា​នឹង​ទទួល​បាន​​រង្វាន់​លើកទឹកចិត្ត​សម្រាប់​ការខិតខំ​ប្រឹងប្រែង​រប​ស់​ខ្លួន​។ អាហារូបករណ៍​សិក្សា​មិន​ត្រឹមតែ​បាន​ផ្តល់​សម្រាប់​សិស្ស​បច្ចុប្បន្ន​នេះ​ទេ ប៉ុន្តែ​ក៏មាន​ផ្តល់​ទៅ​កាន់​សិស្ស​មកពី​សាលាដ​ទៃទៀត ដែល​ចង់​មក​​សិក្សា​នៅ​សាលា​ហ្សា​ម៉ាន់​ផងដែរ​។​

​ដូចគ្នា​ទៅនឹង​កិត្តិនាម​នៃ​ភាព​ជោគជ័យ​ក្នុង​វិស័យ​អប់រំ​របស់​សាលា​ហ្សា​ម៉ាន់​ផងដែរ​នោះសាលា​​ក៏មាន​បំពាក់​នូវ​គ្រឿង​បរិ​ក្ខា​សិក្សា​ដ៏​ទំនើប​សម្បូរ​បែប​បផ្តល់នូវ​កម្មវិធី​ក្រៅ​ម៉ោង និង​កម្មវិធីសិក្សា​មួយ​ទល់នឹង​មួយ​ផង​ដែរ​។​ ​

សាលា​មាន​បើកទទួល​សិស្ស​ចាប់ពី​កម្រិត​ថ្នាក់​មត្តេយ្យ បឋមសិក្សា និង​អនុវិទ្យាល័យ ដែល​សុទ្ធ​តែមាន​ទីតាំងនៅ​ទីក្រុង​ភ្នំពេញ និង​នៅ​គ្រប់​ថ្នាក់​រៀនមាន​បំពាក់​គ្រឿង​បរិក្ខារ​ទំនើបៗ​ចុង​ក្រោយ​បង្អស់​ថែមទៀត​ផង​។

សាលា​ហ្សាម៉ាន់ ផ្តល់នូវ​កម្មវិធី​សិក្សា​ចំណេះ​ទូទៅ​អន្តរជាតិ និង​ស្រប​នឹង​កម្មវិធីសិក្សា​ជាតិ ក៏ដូចជា​កម្មវិធីសិក្សា​របស់ Cambridge ផង​ដែរ ដែល​ផ្តល់​នូវ​កម្ម​វី​ធី​សិក្សា​មួយ​ល្អ​បំផុត​សម្រាប់​ការ​អប់រំ​ទាំង​សម្រាប់​សិស្សានុសិស្ស​ជនជាតិ​ខ្មែរ សិស្ស​មក​ពី​បណ្តា​ប្រទេស​ដទៃ និង​សិស្ស​និយាយ​ពីរ​ភាសា​ផង​ដែរ​។

សាលា​ហ្សា​ម៉ាន់​ផ្តល់​នូវ​បរិយាកាស​សិក្សា​ដ៏​ល្អ​គ្មាន​គូ​ប្រៀប និង​តែងតែ​ឆ្លើយ​តប​ទៅ​នឹង​តម្រូវ​ការ​របស់​សិស្ស​នីមួយៗ​បាន​យ៉ាង​ល្អ​ឥត​ខ្ចោះ​ផង​ដែរ​៕

Content image - Phnom Penh Post

អត្ថបទគួរចាប់អារម្មណ៍