The Phnom Penh Post Search

Search form




Logo of Phnom Penh Post newspaper Phnom Penh Post - រៀន​ភាសា​បារាំង ​ដើម្បី​ការ​គិត​កាន់​តែ​ឈ្លាសវៃ

រៀន​ភាសា​បារាំង ​ដើម្បី​ការ​គិត​កាន់​តែ​ឈ្លាសវៃ

Content image - Phnom Penh Post

រៀន​ភាសា​បារាំង ​ដើម្បី​ការ​គិត​កាន់​តែ​ឈ្លាសវៃ

សាលា​អន្តរជាតិ​កាណាដា (CIS) ប្រចាំ​ទីក្រុង​ភ្នំពេញ បាន​ដាក់​សម្ពោធ​ចេញ​នូវ​កម្មវិធី​សិក្សា​ភាសា​បារាំង​ ហៅ​ថា French Immersion program កាលពី​ខែ​សីហា ឆ្នាំ​២០១៥ កន្លង​ទៅ។

កម្មវិធី​នេះ​ត្រូវ​បាន​រៀបចំ​ឡើង​សម្រាប់​សិស្សានុសិស្ស​ចាប់ពី​កម្រិត​ថ្នាក់​ទី១​ឡើង ដែល​មាន​ចំណាប់​អារម្មណ៍​ចង់​សិក្សា​ភាសា​បារាំង​។ រយៈ​ពេល​ ៤០ ​ភាគរយ នៃ​រយៈពេល​ម៉ោង​សិក្សា​ក្នុង​១​ថ្ងៃ។ សិស្សានុសិស្ស​កម្មវិធី French Immersion រៀន​ជា​ភាសា​បារាំង ខណៈ​ដែល​រយៈពេល​នៅ​សល់គឺ​រៀន​ជា​ភាសា​អង់គ្លេស​។

កម្ម​វិធិ​សិក្សា​ទាំង​មូល​ដែល​មាន​នៅ​សាលា​អន្តរជាតិ​កាណាដា មិន​ថា ជា​ភាសា​អង់គ្លេស ឬ​បារាំង នោះ​ទេ គឺ​សុទ្ធ​តែ​មាន​ប្រភព​មក​ពី​ប្រទេស​កាណាដា និង​មាន​ការ​​ទទួល​ស្គាល់​ជា​កម្ម​វីធី​សិក្សា ​ដែល​មាន​​គុណភាព​ខ្ពស់​បំផុត​មួយ​ក្នុង​ចំណោម​កម្ម​វីធិ​សិក្សា​ផ្សេង​ទៀត​នៅទូទាំង​ពិភពលោក​។ សិស្សានុសិស្ស​ ដែល​បាន​បញ្ចប់​​ការ​សិក្សា​ពី​សាលា​អន្តរជាតិ​កាណាដា អាច​ចូល​រួម​សិក្សា​នៅ​តាម​បណ្តា​សាកល​វិទ្យាល័យ​នានា​នៅ​លើ ពិភព​លោក​​បាន​។

​ទន្ទឹម​នឹង​កម្ម​វិធិ​សិក្សា French Immersion នេះ​កម្មវិធី​សិក្សា​ភាសា​បារាំង ក៏ត្រូវ​បានផ្តល់​ជូន​ទៅ​ដល់​សិស្សានុសិស្ស​ទាំង​ឡាយ​ណា ដែល​ចង់​រៀន​​ភាសា​បារាំង ចាប់​ពី​អាយុ​៣​ឆ្នាំ​ឡើង​ទៅ​។

កម្ម​វីធី​នេះ​អនុញ្ញាត​ឲ្យ​សិស្សានុសិស្ស​គ្រប់​រូប​អាច​ចាប់​ផ្តើម​កសាង​សមត្ថភាព និង​ស្គាល់​ពី​ភាព​ខ្លាំង​របស់​ខ្លួន​ក៏​ដូច​ជា​ចំណុច​ដែល​ត្រូវ​ពង្រឹង​ឲ្យ​កាន់​តែ​ខ្លាំង​ថែមទៀត​ផងដែរ​។ ការ​សហការ ការ​ចេះ​គ្រប់គ្រង​ខ្លួនឯង និង​ដំណើរ​ការ​នៃ​ការ​អភិវឌ្ឍ​ការសិក្សា​របស់​ខ្លួន​លើ​គ្រប់​មុខវិជ្ជា​ក្នុង​កម្មវិធី​សិក្សា​ជា​ភាសា​បារាំង​។

ប្រសិន​បើ​សិស្សានុសិស្ស​ចង់​ចុះ​ឈ្មោះ​សិក្សា​ក្នុង​កម្ម​វិធិ​នេះ គ្រូបង្រៀន​ភាសា​បារាំង នៅ​សាលា​CIS ផ្ទាល់​អាច​​រៀបចំ​នូវ​ការ​ប្រឡង​ធ្វើ​តេស្ត​សមត្ថភាព​យ៉ាង​ឆាប់​រហ័ស​មួយ​សម្រាប់​ការ​វាស់​ស្ទង់​កម្រិត​សមត្ថភាព​ភាសា​បារាំង របស់​សិស្សានុសិស្ស​នោះ និង​អាច​ប៉ាន់​ស្មាន​បាន​ថា តើ​សិស្ស​នោះ​អាច​ចូល​សិក្សា​បាន​នៅ​កម្រិត​ណា​?

លោក Raphael Pech ដែល​ជា​គ្រូ​បង្រៀន​ក្នុង​កម្មវិធី French Immerson នៅ​សាលា CIS បាន​ថ្លែង​ថា៖ «​សិស្សានុសិស្ស​ក្នុង​កម្មវិធី French Immersion ទទួល​បាន​អត្ថ​ប្រយោជន៍​ក្នុង​ការ​ពង្រឹង​ភាសា​បារាំង​របស់​ខ្លួន​តាម​រយៈ​កម្មវិធី​សិក្សា​កាណាដា​តែម្តង​។ ការ​សិក្សា​នេះ​មាន​រយៈពេល ១២០​នាទី ដែល​សិស្សានុសិស្ស​របស់​យើង​អាច​ពង្រឹង​សមត្ថភាព​ភាសា​របស់​ខ្លួន​បាន​យ៉ាង​ឆាប់​រហ័ស​»​។

សាលា CIS រក្សា​ចំនួន​សិស្ស​ក្នុង​ថ្នាក់​នីមួយៗ​តិច និង​ស្និទ្ធ​ស្នាល ព្រម​ទាំង​មាន​ការ​យក​ចិត្ត​ទុក​ដាក់​ខ្ពស់​សម្រាប់​កម្មវិធី​សិក្សា French Immersion នេះ ដែល​អនុញ្ញាត​ឲ្យ​លោក​គ្រូ​អ្នក​គ្រូ​អាច​ផ្តោត​លើ​ភាសា​បារាំង របស់​ខ្លួន ជា​គន្លឹះ​មួយ​សម្រាប់​​ការ​អភិវឌ្ឍ​ការ​គិត​ប្រកប​ដោយ​ភាព​ឈ្លាសវៃ​​មិន​មែន​ត្រឹមតែ​សម្រាប់​ការ​ធ្វើ​ទំនាក់​ទំនង និង​ប្រើប្រាស់​នោះទេ​។

សាលា​ក៏មាន​ផ្តល់នូវ​ការ​សិក្សា​តាម​បែប​ការ​ស្វែង​យល់​ពី​ខ្លួន​ឯង​ផ្ទាល់ និង​គម្រោង​​​សិក្សា ដែលមាន​ការ​រៀបចំ​យ៉ាង​ល្អ​បំផុត​ដូច​ជា​ថ្នាក់​រៀន ដែល​គ្រូ​បង្រៀន​ផ្តោត​ទៅ​លើ​សិស្ស​នីមួយៗ​ផ្ទាល់ មាន​កំព្យូទ័រ​យូរ​ដៃ មាន​ឧបករណ៍ tablet សម្រាប់​ប្រើប្រាស់ និង​ក្តារ​ឆ្នួន​អេ​ឡិច​ត្រូនិក ដូចជា​អេក្រង់​កំព្យូទ័រ​ផង​ដែរ​។

Content image - Phnom Penh Post

ការ​ផ្តល់​នូវ​កម្មវិធី​សិក្សា​ជា​ភាសា​បារាំង​ច្បាស់លាស់​សម្រាប់​សិស្សា​នុសិស្ស​ចាប់​ពី​អាយុ៣​ឆ្នាំ​ឡើងទៅ សម្រាប់​កម្មវិធី​សិក្សា French Immersion Program គឺអាច​ជួយ​រៀបចំ​ឲ្យ​សិស្សានុសិស្ស​មាន​សមត្ថភាព​ខ្លាំង​ពេល​ឈាន​ទៅ​ដល់​កម្រិត​ថ្នាក់​ទី​១​។

ឆ្នាំ​នេះ​សិស្សានុសិស្ស​នឹង​មាន​ឱកាស​ ក្នុង​ការ​ប្រកួត​ប្រឡង DELF (Diplôme d’Etudes en Langue Française) ដែល​នឹង​អាច​ធ្វើ​ឲ្យ​សមត្ថភាព​ភាសា​បារាំង​របស់​ពួក​គេ មាន​ការ​ទទួល​ស្គាល់​នៅ​ក្នុង​ប្រទេស​បារាំង​។

ក្រុម​ការងារ​យ៉ាង​សកម្ម​របស់​សាលា CIS គឺ មាន​គ្រូ​បង្រៀន​ជនជាតិ​បារាំង ចំនួន​៣​រូប ពី​ប្រទេស​កាណាដា និង​បារាំង និង​គ្រូ​ជំនួយ​ការ​ជនជាតិ​ខ្មែរ​ម្នាក់​ដែល​ចេះ​ភាសា​បារាំង​យ៉ាង​ស្ទាត់​ជំនាញ និង​រៀន​ភាសា​បារាំង នៅ​វិទ្យាស្ថាន​ភាសា​បារាំង​ នៅ​ទីក្រុង​ភ្នំពេញ​។ ក្រុមការងារ​សម្រាប់​កម្មវីធិ​សិក្សា​នេះ​មានការ​ប្តេជ្ញា​យ៉ាង​មុតមាំ​ក្នុងការ​បង្ហាត់​បង្រៀន​សិស្ស និង​គ្រួសារ​របស់​ពួកគេ​អំពី​អត្ថប្រយោជន៍​ដ៏​សម្បូរបែប និង​ចំណុច​សំខាន់ៗ​របស់​វប្បធម៌​បារាំង​។

សាលា CIS មាន​ក្តី​មោទនៈ​យ៉ាង​ក្រៃលែង ដោយ​​ហ៊ាន​និយាយ​បាន​ថា ចាប់​តាំង​ពី​បើក​កម្មវិធី​សិក្សា​នេះ​មក​សាលា​បាន​ឃើញ​នូវ​កំណើន​គ្រួសារ​ដែល​មិនចេះ​និយាយ​ភាសា​បារាំង បាន​ចូលរួម​យក​កូនៗ​មក​រៀន​ភាសា​បារាំង និង​លើក​កម្ពស់​វប្បធម៌​បារាំង​ផង​ដែរ ដោយ​ពួកគេ​ខិត​ខំ​​ប្រឹងប្រែង​រៀន​សូត្រ​ភាសា​បារាំង និង​អាច​និយាយ​បាន​យ៉ាង​ល្អ​ក្នុង​រយៈពេល​តែ​ប៉ុន្មាន​ឆ្នាំ​ប៉ុណ្ណោះ​។

លោក Pech បាន​ថ្លែងថា​ ៖ «​យើង​មាន​​មោទនភាព​យ៉ាង​ខ្លាំង​ដែល​សិស្សានុសិស្ស​របស់​យើង​ពីរ​រូប បាន​និង​កំពុង​បន្ត​ការ​សិក្សា​នៅ​ទីក្រុង Quebec ប្រទេស​កាណាដា បាន​ជ្រើស​រើស​កម្មវិធី​សិក្សា​ភាសា​បារាំង​នេះ ដែល​ជា​គំរូ​ដ៏​ល្អ​ឥត​ខ្ចោះ​ក្នុងការ​ស្វែងយល់​អំពី​វប្បធម៌​បារាំង បន្ថែម​ទៀត​»​។

ខួរ​ក្បាល​របស់​កុមារ គឺមាន​សមត្ថភាព​​ពី​កំណើត​​ក្នុងការ​ចាប់​យក​ភាសា​ថ្មីៗ និង​បាន​យ៉ាង​រហ័ស​ទៀត​ផង​។ ដើម្បី​ចូលរួម​ដល់​ការ​អភិវឌ្ឍ​ខួរ​ក្បាល​កុមារ​ទាំង​នេះ បណ្ណាល័យ​របស់​សាលា​បាន​ផ្តល់​នូវ​សៀវភៅ​ភាសា​បារាំង​ជា​ច្រើន​មុខ​ផង​ដែរ។ បន្ថែម​ពី​លើ​សកម្មភាព​ក្នុង​សាលា​ទៀត​នោះ​សិស្សានុសិស្ស​នៅ​សាលា CIS ក៏​តែង​តែ​ជួប​ប្រាស្រ័យ​ទាក់ទង​ជាមួយ​សាលា​ជា​ដៃគូ​របស់​ខ្លួន​នោះ គឺ​សាលា École Française Internationale (EFI)​។

សាលា​នេះ​មាន​ផ្តល់​នូវ​ការ​សិក្សា​បន្ថែម​អំពី​វប្បធម៌​បារាំង​យ៉ាង​ល្អ ដែល​បាន​ឆ្លុះ​បង្ហាញ​នូវ​ភាពជោគជ័យ​នៅ​ក្នុង​ប្រទេស​កាណាដា នាពេល​កន្លងមក​។

ជា​រៀង​រាល់​ឆ្នាំ​ពួកគេ​ចូលរួម​អបអរសាទរ​វប្បធម៌​ភាសា​បារាំង តាមរយៈ​កម្មវិធី​សិក្សា​ជាច្រើន ដែល​មាន​នៅ​សហគមន៍​ និង​សាលា​ទាំងមូល​តែម្តង​។

កិច្ច​ប្រជុំ​ប្រចាំឆ្នាំ​ជា​ភាសា​បារាំង រៀបចំ ឡើង​សម្រាប់​សិស្សានុសិស្ស​នោះ គឺ​បាន​ផ្តល់​នូវ​ឱកាស​សម្រាប់​ឲ្យ​ពួក​គេ​ចែក​រំលែក​នូវ​ចំណាប់​អារម្មណ៍​ក្នុង​កម្មវិធី​នេះ ​ជាមួយ​សហគមន៍​របស់​សាលា CIS ទាំង​មូល​។

សាលា​អន្តរជាតិ​កាណាដា ឬ CIS សូម​ចូលរួម​អញ្ជើញ​សិស្សានុសិស្ស និង​ឪពុក​ម្តាយ​ទាំង​អស់​ឲ្យ​ធ្វើ​ការ​ទំនាក់​ទំនង​ទៅ​កាន់​ខាង​សាលា ដើម្បី​ស្វែងយល់​បន្ថែម​អំពី​សារៈសំខាន់ និង​អត្ថប្រយោជន៍​របស់​កម្ម​វិធី French Immersion និង​កម្ម​វីធី​សិក្សា​ជា​ភាសា​បារាំង​មិន​ថា​ជា​សំណួរ​អ្វី​នោះ​ទេ​។

អំពី​សាលា CIS

ដោយ​មាន​ទីតាំង​នៅ​រាជធានី​ភ្នំពេញ សាលា​អន្តរជាតិ​កាណាដា ហៅ​កាត់ CIS គឺជា​សាលា​ដែល​មាន​ប្រភព​មកពី​ប្រទេស​កាណាដា ផ្ទាល់ ដែល​ផ្តល់នូវ​កម្មវិធី​សិក្សា​សម្រាប់​សិស្សានុសិស្ស​ចាប់​ពី​អាយុ​៣​ឆ្នាំ​ឡើង រហូត​ដល់​ថ្នាក់​ទី​ ៨​។

សាលា​នឹង​បន្ត​បន្ថែម​ថ្នាក់​ថ្មីៗ​ជា​រៀង​រាល់​ឆ្នាំ​រហូត​ដល់​ពេល​សិស្សានុសិស្ស​អាច​បញ្ចប់​ការ​សិក្សា​នៅ​សាលា​ផ្ទាល់​តែ​ម្តង​។ ជាមួយ​នឹង​សញ្ញាប័ត្រ​ចេញ​ពី​សាលា CIS សិស្សានុសិស្ស​ទាំង​អស់​អាច​ទៅ​បន្ត​ការ​សិក្សា​នៅ​គ្រប់​សាកល​វិទ្យាល័យ​ណា​មួយ​ក៏​បាន​នៅ​ជុំវិញ​ពិភពលោក​៕

Content image - Phnom Penh Post

Content image - Phnom Penh Post

Content image - Phnom Penh Post

អត្ថបទគួរចាប់អារម្មណ៍