The Phnom Penh Post Search

Search form




Logo of Phnom Penh Post newspaper Phnom Penh Post - សាំសុង​ហ្គាឡាក់ស៊ី S6 និង S6 Edge រូបរាង​ថ្មី​សន្លាង បច្ចេក​វិទ្យា​ទំនើប​បំផុត ស្វាគមន៍​ការ​កុម្ម៉ង់​ទិញ​នៅ​កម្ពុជា

សាំសុង​ហ្គាឡាក់ស៊ី S6 និង S6 Edge រូបរាង​ថ្មី​សន្លាង បច្ចេក​វិទ្យា​ទំនើប​បំផុត ស្វាគមន៍​ការ​កុម្ម៉ង់​ទិញ​នៅ​កម្ពុជា

​ក្រុម​តារា​បង្ហាញ​ម៉ូដ​ប្រុស​-​ស្រី កំពុង​លើក​បង្ហាញ​ទូរស័ព្ទ​ស្មា​ត​ហ្វូ​ន Galaxy S6 និង Galaxy S6 Edge​
​ក្រុម​តារា​បង្ហាញ​ម៉ូដ​ប្រុស​-​ស្រី កំពុង​លើក​បង្ហាញ​ទូរស័ព្ទ​ស្មា​ត​ហ្វូ​ន Galaxy S6 និង Galaxy S6 Edge​។ ឈឹម ស្រីនាង

សាំសុង​ហ្គាឡាក់ស៊ី S6 និង S6 Edge រូបរាង​ថ្មី​សន្លាង បច្ចេក​វិទ្យា​ទំនើប​បំផុត ស្វាគមន៍​ការ​កុម្ម៉ង់​ទិញ​នៅ​កម្ពុជា

ជាមួយ​នឹង​រូបរាង​ស្រោប​ដោយ​លោហៈ ព្រម​ទាំង​កញ្ចក់​ថ្លៃថ្នូរ​គួរ​ឲ្យ​ទាក់​ភ្នែក ទូរស័ព្ទ​ស្មាតហ្វូន Samsung Galaxy S6 និង Galaxy S6 Edge របស់​ក្រុមហ៊ុន​សាំសុង​អេឡិចត្រូនិក ត្រូវ​បាន​សម្ពោធ​វត្តមាន​ជា​ផ្លូវ​ការ​នៅ​សណ្ឋាគារ Raffle Le Royal ថ្ងៃទី​១ ខែ​មេសា​កន្លង​ទៅ​នេះ។

កម្មវិធី​សម្ពោធ​ទ្រង់ទ្រាយ​ធំ​ក៏​ឃើញ​វត្តមាន​កំពូល​តារា​ចម្រៀង​កញ្ញា ឱក សុគន្ធ​កញ្ញា ចូល​រួម​ច្រៀង​សម្ដែង និង​ថ្លែង​ពី​មោទនភាព​របស់​កញ្ញា​ក្នុង​ការ​ធ្វើ​ជា​តារា​តំណាង​ផលិតផល​ស្មាតហ្វូន​សាំសុង​ផង​ដែរ។

ក្នុង​ឈុត​សម្លៀក​បំពាក់​រ៉ូប​ខោ​ពណ៌​សក្បុស ក្រវាត់​ខ្សែ​ពណ៌​ខៀវ​នៅ​ចង្កេះ​ដែល​ជា​ពណ៌​អត្តសញ្ញាណ​ពិសេស​សម្រាប់​រាត្រី​សម្ពោធ​ផលិតផល​ថ្មី​ចុង​ក្រោយ Samsung Galaxy S6 និង Galaxy S6 Edge របស់​សាំសុង​នោះ តារា​ចម្រៀង​ស្រី​ដ៏​ល្បី​រូប​នេះ​បាន​ថ្លែងថា​៖ «​នាង​ខ្ញុំ​កាន់​តែមាន​មោទនភាព​ខ្លាំង​មែន​ទែន ចំពោះ​គំនិត​ច្នៃ​ប្រឌិត​របស់​ក្រុមហ៊ុន​សាំ​សុង ដែល​បាន​បង្កើត​ផលិតផល​ថ្មីៗ​ទំនើប​បែប​នេះ ហើយ​នាង​ខ្ញុំ​ក៏​មាន​កិត្តិយស​ខ្លាំង​ណាស់​ដែល ក្រុមហ៊ុន​ជ្រើសរើស​នាង​ខ្ញុំ​ជា​តារា​តំណាង​លក់​ផលិតផល​ទូរស័ព្ទ​នៅ​កម្ពុជា​»។

​តារា​បង្ហាញ​ម៉ូដ​ស្រី កំពុងលើក​ បង្ហាញ​ទូរស័ព្ទ​ស្មា​ត​ហ្វូ​ន Galaxy S6 ដល់​ភ្ញៀវកិត្តិយស​
​តារា​បង្ហាញ​ម៉ូដ​ស្រី កំពុងលើក​ បង្ហាញ​ទូរស័ព្ទ​ស្មា​ត​ហ្វូ​ន Galaxy S6 ដល់​ភ្ញៀវកិត្តិយស​។ ឈឹម ស្រីនាង

កម្មវិធី​សម្ពោធ​នៅ​កម្ពុជា​នេះ​ផង ដែរ​ក៏ត្រូវ​បាន​រៀបចំ​ដំណាល​គ្នា​នឹង​សមាជ​ទូរស័ព្ទ​ពិភពលោក ឆ្នាំ​២០១៥ នៅ​ក្រុង​បាសេឡូណា ប្រទេស​អេស្ប៉ាញ ដែល​នៅ​ទីនោះ​ស្មាតហ្វូន Galaxy S6 និង​Galaxy S6 Edge ត្រូវ​បាន​សមាគម GSMA ប្រសិទ្ធ​នាម​ថា​ជា​កំពូល​ទូរស័ព្ទ​ដៃ​ល្អ​ឯក​គ្មាន​ពីរ​ផង​ដែរ​។

ថ្លែង​ទាក់ទិន​នឹង​ស្មាតហ្វូន​ទំនើប​ចុង​ក្រោយ​របស់​ក្រុមហ៊ុន លោក ហ្គី ហាន់លី អគ្គនាយក​ក្រុមហ៊ុន​សាខា​ថៃ​សាំសុង​អេឡិចត្រូនិក​ប្រចាំ​កម្ពុជា-ឡាវ បាន​និយាយ​ថា​៖ «​ទូរស័ព្ទ​ស្មាតហ្វូន​ទាំង​ពីរ​ម៉ូដែល​នេះ​ត្រូវ​បាន​រចនា​ឡើង​យ៉ាង​ផ្ចិតផ្ចង់ និង​យក​ចិត្ត​ទុក​ដាក់​បំផុត រួម​ជាមួយ​គំនិត​ច្នៃប្រឌិត​ទាំង​រូបរាង តួ​ម៉ាស៊ីន ធ្វើ​ឲ្យ​Galaxy S6 និង​Galaxy S6 Edge ក្លាយជា​ទូរស័ព្ទ​ប្រកប​ដោយ​ប្រណីត​ភាព និង​ស្អាត​អស្ចារ្យ ធ្វើ​ឲ្យ​អ្នក​ប្រើ​កាន់​តែ​មាន​ភាព​ថ្លៃថ្នូរ​ថែម​មួយ​កម្រិត​ទៀត​»។

ការ​រចនា និង​លក្ខណៈ​ដ៏​គួរ​ឲ្យ​កត់​សម្គាល់​របស់​ស្មាតហ្វូន​ទាំង​ពីរ​មាន​អេក្រង់​ទំហំ ៥,១​អ៊ិញ ស្រោប​ដោយ​លោហៈ​និង​កញ្ចក់​ដ៏​ឡូយ​ប្រកប​ដោយ​កិត្យានុភាព​ជាមួយ​នឹង​កម្រាស់​ដ៏​ស្ដើង​ស្រាល​ទម្ងន់​ត្រឹម​តែ ប្រមាណ​ជាង ១៣០​ក្រាម​។

Content image - Phnom Penh Post

បច្ចេកវិទ្យា​ទំនើប​ចុង​ក្រោយ​បាន​ធ្វើ​ឲ្យ​ការ​ថតរូប​ភ្លឺ​ច្បាស់ និង​ល្បឿន​លឿន ស័ក្ដិសម​សម្រាប់​អ្នក​និយម​ថតរូប​សែលហ្វី​មិន​ថា​ស្ថិត​ក្នុង​ទី​ងងឹត​ក្ដី​។ កាមេរ៉ា​មុខ​ទំហំ 5MP រីឯ​កាមេរ៉ា ក្រោយ​រឹត​តែ​ច្បាស់​រហូត​ដល់ 16MP។ ការ​សាក​ថ្ម​កាន់​តែ​មាន​ប្រសិទ្ធភាព និង​រឹត​តែ​ពិសេស​ទៅ​ទៀត​គឺ​សាក​បែប Wireless ដោយ​មិន​​ប្រើ​ខ្សែ​ទៀត​ផង​។ ដោយ​គ្រាន់​តែ​ចំណាយ​ពេល​១០​នាទី ស្មាតហ្វូន​អាច​មាន​ថាមពល​ប្រើប្រាស់​បាន​ដល់​ទៅ ៤​ម៉ោង​។

ខុស​ប្លែក​ពី​សែស្រឡាយ​មុនៗ ម៉ូដែល​ថ្មី​ចុង​ក្រោយ​នេះ​មិនមាន​ថត​ដាក់​អង្គ​ចងចាំ​បន្ថែម​ទេ ប៉ុន្តែ​វា​ត្រូវ​បាន​ផលិត​ដោយ​មាន​អានុភាព​ស្ដុក​ទិន្នន័យ​ចាប់​ពី ៣២​ជីហ្គាបៃ។

ស្មាតហ្វូន Galaxy S6 និង​Galaxy S6 Edge ដែល​ស្វាគមន៍​ការ​កុម្ម៉ង់​ទិញ​ជាមុន​នៅ​កម្ពុជា ត្រូវ​បាន​លក់​ក្នុង​តម្លៃ​ត្រឹម​តែ ៦៩០​សម្រាប់ Galaxy S6 ៣២​ជីហ្គាបៃ​។ សម្រាប់​Galaxy S6 Edge ៣២​ជីហ្គាបៃ​មាន​តម្លៃ​ចាប់ពី ៨០០​ដុល្លារ​ឡើង​ទៅ​អាស្រ័យ​ទៅ​តាម​ប្រភេទ​ទំហំ​អង្គ​ចងចាំ និង​ពណ៌​របស់​វា៕

អត្ថបទគួរចាប់អារម្មណ៍