The Phnom Penh Post Search

Search form




Logo of Phnom Penh Post newspaper Phnom Penh Post - អ្នក​ជំនាញ​សាឡន​ សំណព្វ​ចិត្ត​តារា​ល្បីៗ លាត​ត្រដាង​ពី​ស្ទីល​ផាត់​មុខ​ធ្វើ​សក់​សម័យ​ថ្មី




អ្នក​ជំនាញ​សាឡន​ សំណព្វ​ចិត្ត​តារា​ល្បីៗ លាត​ត្រដាង​ពី​ស្ទីល​ផាត់​មុខ​ធ្វើ​សក់​សម័យ​ថ្មី

Content image - Phnom Penh Post
លោក យាវ សុយ៉ាឌី ម្ចាស់​ហាង​សាឡន Dee's Studio កំពុង​ផាត់​មុខ​ដល់​អតិថិជន​របស់​ខ្លួន​យ៉ាង​យក​ចិត្ត​ទុក​ដាក់។ ហុង មិនា

អ្នក​ជំនាញ​សាឡន​ សំណព្វ​ចិត្ត​តារា​ល្បីៗ លាត​ត្រដាង​ពី​ស្ទីល​ផាត់​មុខ​ធ្វើ​សក់​សម័យ​ថ្មី

នៅ​មួយ​បទពិសោធ​តុបតែង​មុខ និង​ធ្វើ​សក់​ជូន​អតិថិជន​លំដាប់​ខ្ពស់ៗ និង​តារា​ល្បីៗ រួម​មាន​អ្នក​នាង យ៉ាន លីនដា វីជេ អាណូ​តារា​ចម្រៀង អេដា តារា​សម្ដែង សារ៉ាយ សក្ខណា ម្ចាស់​ហាង​សាឡន Dee’s Studio លោក យាវ សុយ៉ាឌី គឺជា​អ្នក ជំនាញ​នាំ​មុខ​គេ​ម្នាក់ ដែល​ស្គាល់ ពី​ទំនោរ​ការ​និយម​ថ្មីៗ​ក្នុង​វិស័យ​សម្រស់​។

ខាង​ក្រោម​នេះ​ជា​បទ​សម្ភាស​ជាមួយ​អ្នក​ឯកទេស​ជំនាញ​ផាត់​មុខ​ដ៏​ចំណាន​នៅ​ទីក្រុង​ភ្នំពេញ លោក យាវ សុយ៉ាឌី ពន្យល់​ពី​ការ​ពេញ​និយម​តុប​តែង​ផាត់​មុខ​របស់​អតិថិជន ដែល​ចូល​ចិត្ត​មក​ហាង​របស់​គាត់​។ លោក ឌី បាន​ផ្តល់​យោបល់​ខ្លះៗ​ជូន​សុភាព​នារី​ទាំង​ឡាយ ទាក់ទង​នឹង​សាឡន​របស់​គាត់ និង​ការ​ផាត់មុខ​ធ្វើ​យ៉ាង​ណា​ឲ្យ​ប្លែក​ពី​ថ្ងៃ​ធម្មតា និង​ទាន់​សម័យ​។

១.តើ​លោក​ចាប់​ផ្តើម​បើក​សាឡន​ផាត់​មុខ​ធ្វើ​សក់​នេះ បាន​រយះពេល​ប៉ុន្មាន​ឆ្នាំ​មក​ហើយ​?

ខ្ញុំ​បើក​ហាង​សាឡន Dee’s Studio នេះ​គឺ​បាន​រយៈពេល​៤​ឆ្នាំ​មក​ហើយ ដោយ​មាន​អតិថិជន​ចាស់ និង​ថ្មី​គាត់​នៅ​តែ​គាំទ្រ​ហាង​ខ្ញុំ​មក​រហូត​តាំង​ពី​ថ្ងៃ​បើក​រហូត មក​ដល់​សព្វ​ថ្ងៃ​នេះ​។

Content image - Phnom Penh Post
លោក យាវ សុយ៉ាឌី បង្ហាញ​ពី​ភាព​ស្រស់​ស្អាត​របស់​អតិថិជន​ក្រោយ​ពី​ការងារ​ផាត់​មុខ​តុប​តែង​សក់​រួច​ហើយ​។ ហុង មិនា

២.តើ​មាន​កត្តា​អ្វី​ខ្លះ​ដែល​ធ្វើ​ឲ្យ​ភ្ញៀវ​ចាស់ និង​ភ្ញៀវ​ថ្មី​នៅ​តែ​គាំទ្រ​ហាង​របស់​ខ្លួន​?

កត្តា​ចំបង​ដែល​ធ្វើ​ឲ្យ​ហាង​របស់ ខ្ញុំ​ជោគជ័យ​មក​ដល់​បច្ចុប្បន្ន​នេះ ទីមួយ​យើង​ផ្តោត​សំខាន់​បំផុត​ទៅ​លើ​ស្នាដៃ​របស់​មេ​ជាង​ទាំង អស់​នៅ​ក្នុង​ហាង​ខ្ញុំ​ផ្ទាល់​តែ​ម្តង​។ យើង​មិន​អាច​ចេះ​តែ​បណ្តោយ​ឲ្យ​កូន​ជាង​ទើប​តែ​រៀន​ចេះ​ទៅ​ផាត់​ឲ្យ​ភ្ញៀវ​បាន​ទេ គឺ​យើង​សម្លឹង​ទៅ​អ្នក​ដែល​មាន​ទឹក​ដៃ​ហើយ​មាន​ជំនាញ​ច្បាស់​លាស់​ដើម្បី​កាន់​មុខ​ភ្ញៀវ​។ ទី​២​នៅ​ពេល​ដែល​មាន​ភ្ញៀវ​គាត់​អញ្ចើញ​ចូល​មក មិន​ថា​ភ្ញៀវ​នោះ​គាត់​ជិះ​ម៉ូតូ ជិះ​កង់​បី ឬក៏​គាត់​ជិះឡាន​ល្អ​ក៏ដោយ គឺ​ការ ទទួល​រាក់ទាក់​របស់​យើង​​ចំពោះ​ភ្ញៀវ​គឺ​ដូចគ្នា​ទាំង​អស់​ហើយ​ចំណុច​ពិសេស​នោះ​គឺ​ការ​រង់​ចាំ​មិន​​សំដៅ​ទៅ​លើ​ភ្ញៀវ​ជិះឡាន​ទំនើប​​មក​បាន បាន​ផាត់​មុខមុន​នោះ​ទេ គឺ​គាត់​ត្រូវ​តែ​រង់ចាំ​ដូច​ភ្ញៀវ​ដទៃ​អ៊ីចឹង​ដែរ គឺ​យើង​មិន​បែង​ចែក​វណ្ណៈ​ថា អ្នក​មាន​ត្រូវតែ​ពិសេស បាន​ធ្វើ​ឲ្យ​មុន ហើយ​អ្នក​ក្រ​ធ្វើ​ឲ្យ​ក្រោយ​នោះ​ទេ។

Content image - Phnom Penh Post

៣.តើ​ការ​ផាត់​មុខ​របស់​ហាង​សាឡន Dee’s Studio មាន​តិច​និក​ផាត់​មុខ​ខុស​ពី​ហាង​ដទៃ​យ៉ាង​ដូច​ម្តេច ?

ភ្ញៀវ​ភាគ​ច្រើន​ដែល​គាត់​ទៅ​កម្មវិធី​ណា​ក៏​ដោយ​គឺ​ចោល​ហាង​ខ្ញុំ​មិន​បាន​ទេ ដោយ​សារ​តែ​ហាង​ខ្ញុំ​មាន​ការ​ផាត់មុខ​ពិសេស​ប្រចាំ​ហាង​តែ​ម្តង គឺ​យើង​ផាត់​មុខ​មិន​ក្រាស់​នោះ​ទេ​គឺ​ផាត់​មុខ​បែប​ធម្មជាតិ​សំដៅ​ទៅលើ​សាច់​ម្សៅ ស្ទីល​នៃ​ការ​ផាត់មុខ ដោយ​ការ​លេង​ភ្នែក ចិញ្ចើម និង​រោម​ភ្នែក មើល ទៅ​គឺ​វា​មិន​ដិត ខ្លាំង ភ្ញៀវ​ពេញចិត្ត​ថា​ការ​ផាត់​មុខ​នេះ​ស្អាត​បែប​ស្រទន់​កត្តា​ទាំង​អស់​នេះ​ហើយ​ដែល​ធ្វើ​ឲ្យ​ភ្ញៀវ​គាត់​តែង​តែ​ណែនាំ​គ្នា​ឲ្យ​មក​កន្លែង​របស់​ខ្ញុំ​។

៤. តើ​ការ​ផាត់មុខ​ទៅ​កម្មវិធី​ជប់លៀង និង​ចូលរួម​ពិធី​រៀប​អាពាហ៍​ពិពាហ៍​វា​មាន​ភាព​ខុស គ្នា យ៉ាង​ដូច​ម្តេច​?

សម្រាប់​ភ្ញៀវ​ដែល​គាត់​មក​ផាត់​មុខ​សម្រាប់​ទៅ​កម្មវិធី​ជប់​លៀង ខួប​កំណើត​គឺ​យើង​ផាត់មុខ​ស្រាល​ៗ ប្រើ​រោមភ្នែក​ស្តើងៗ​ជា​មួយ និង​ក្រែម​ពណ៌​ស្រទន់ និង​ម៉ូត​សក់​បែប​សាមញ្ញ ស្ទីល​កូរ៉េ មូរ​រួញ​តិចៗ លើក​ឡើង​លើស​សុស​តិចៗ តាម​ការ​ចូល​ចិត្ត​របស់​​យុវវ័យ​សម័យ​ថ្មី រីឯ​ការ​ផាត់​មុខ​ទៅ​ចូលរួម​ពិធី​រៀប​អាពាហ៍​ពិពាហ៍​វិញ​គឺ​យើង​លេង​ទៅ​លើ​ពណ៌​ភ្នែក​ដិត​បន្តិច ជាមួយ​និង​រោម​ភ្នែក​ក្រាស់ លេង​ជាមួយ​និង Contact Lens (កែវភ្នែក​សិប្បនិម្មិត​ពាក់​លម្អ​ភ្នែក​) ពណ៌​ប្រាក់​ដើម្បី​ឲ្យ​ស៊ី​ជាមួយ​និង​មុខ​របស់​គាត់​។ សម្រាប់​ការ​ផាត់​មុខ គឺ​ចំណាយ​ពេល​ត្រឹម​តែ​១៥​ទៅ​២០​នាទី​។

Content image - Phnom Penh Post

៥.តើ​បច្ចុប្បន្ន​នេះ​ការ​ផាត់ មុខ​បែប​ណា​ដែល​ពេញ​និយម​ខ្លាំង​ពី​អតិថិជន​វ័យ​ក្មេង​?

ឥឡូវ​នេះ​យើង​មើល​ឃើញ​ថា​អតិថិជន​វ័យ​ក្មេង​គាត់​ពេញ​និយម​ផាត់​ស្ទីល​តាម​បែប​តារា​ថៃ ដោយ​ផាត់​ពណ៌​ផ្កាឈូក​ពីក្រោម​នៅ​កន្ទុយ​ភ្នែក ក៏​ប៉ុន្តែ​សម្រាប់​ហាង​ខ្ញុំ​ផ្ទាល់​ពេល​ខ្លះ​យើង​ប្រើ​ស្ទីល​បែប​នេះ​ជូន​ទៅ​ភ្ញៀវ​តម្រូវ​តាម​ការ ពេញ​និយម​របស់​យុវវ័យ​សម័យ​ថ្មី។ ក៏​ប៉ុន្តែ​សម្រាប់​អតិថិជន​មួយ​ចំនួន​គាត់​នៅ​តែ​ស្រលាញ់​ស្ទីល​បែប​អឺរ៉ុប អ៊ីចឹង​គឺ​យើង​តម្រូវ​ទៅ​តាម​ចំណង់​ចំណូល​ចិត្ត​ភ្ញៀវ និង​ពណ៌​សម្បុរ​របស់​គាត់​ទៀត​។

៦.សង្កេត​ឃើញ​ថា​មាន​តារា​សម្ដែង​ជាច្រើន ចូល​ចិត្ត​មក​តុប​តែង​ផាត់​មុខ​នៅ​ទីនេះ តើ Dee’s Studio មាន​អ្វី​ពិសេស​ដែរ​?

តារា​ភាគច្រើន​គាត់​ចូល​ចិត្ត​មក​ផាត់​មុខ​នៅ​ហាង​របស់​ខ្ញុំ​គឹ​ត្រង់​ចំណុច​ពិសេស​ប្រចាំ​ហាង​តែ​ម្តង​គឺ​ការ​ផាត់មុខ​ស្រាលៗ បែប​ស្រទន់ មើល​ទៅ​ស្អាត​បែប​ធម្មជាតិ​តែ​ម្តង ដោយ​សារ​តែ​យើង​ផ្តោត​ទៅ​លើ​ម្សៅ​ទ្រនាប់​ស្តើង លាប​ទៅ​តាម​ពណ៌​សម្បុរ​របស់​ភ្ញៀវ ។

៧.តើ​ហាង Dee’s Studio មាន​សេវាកម្ម​ផាត់មុខ​នៅ​តាម​ផ្ទះ ឬ​កន្លែង​នានា​ដែរ​ឬ​ទេ​?

បាទ ហាង​របស់​យើង​ក៏​មាន​សេវាកម្ម​ទៅ​ផាត់​មុខ​ដល់​កន្លែង​ផ្ទាល់ ដោយ​យើង​គិត​ទៅ​តាម​ចំនួន​មនុស្ស ប្រសិន​ជា​មាន​គ្នា​ចាប់​ពី​បី​នាក់​ឡើង​ទៅ​គឺ​យើង​គិត​តម្លៃ​សមរម្យ​។ ប្រសិន​ជា​ភ្ញៀវ​មក​ផាត់​មុខ​ធ្វើ​សក់​ម៉ូត​សាមញ្ញ​ធម្មតា​គឺ​តម្លៃ​១៨​ដុល្លារ បើ​ផាត់​មុខ​ធ្វើ​សក់​ទៅ​ញ៉ាំ​ការ​វិញ​គឺ​តម្លៃ​២២​ដុល្លារ​៕

អត្ថបទគួរចាប់អារម្មណ៍